ദുല്‍ഖര്‍ നായകനായെത്തുന്ന സല്യൂട്ട് എന്ന സിനിമയുടെ ചിത്രീകരണ തിരക്കിലാണ് ലക്ഷ്മി ഗോപാലസ്വാമി. ചിത്രത്തില്‍ മനോജ് കെ ജയനും ശ്രദ്ധേയമായ വേഷത്തില്‍ എത്തുന്നുണ്ട്. ഇപ്പോഴിതാ തന്റെ സഹതാരം മനോജ് കെ ജയനുമായി വീണ്ടും ഒന്നിച്ച അനുഭവത്തെക്കുറിച്ച് നടി തുറന്ന് പറയുകയാണ്
'എന്റെ പ്രിയപ്പെട്ട സഹപ്രവര്‍ത്തകനും പ്രതിഭാശാലിയുമായ മനോജ് കെ ജയനുമൊത്ത് വര്‍ക്ക് ചെയ്യുന്നത് അതിശയകരവും രസകരവുമായിരുന്നു.
വര്‍ഷങ്ങള്‍ക്കുശേഷം സ്‌ക്രീന്‍ സ്പെയ്സ് പങ്കിടുന്നു, പക്ഷേ ഞങ്ങള്‍ എല്ലായ്‌പ്പോഴും ഒന്നിപ്പിക്കുന്നത് നല്ല സംഗീതവും നര്‍മ്മബോധവുമാണ്.'- മനോജ് കെ ജയനൊപ്പമുള്ള ചിത്രം പങ്കുവെച്ചു കൊണ്ട് ലക്ഷ്മി ഗോപാലസ്വാമി കുറിച്ചു.
റോഷന്‍ ആന്‍ഡ്രൂസ് സംവിധാനം ചെയ്യുന്ന ചിത്രത്തിന്റെ ഷൂട്ടിങ് പുരോഗമിക്കുകയാണ്.ബോളിവുഡ് നടി ഡയാന പെന്റിയാണ് നായിക.മനോജ് കെ ജയന്‍, സാനിയ ഇയ്യപ്പന്‍ ലക്ഷ്മി ഗോപാലസ്വാമി എന്നിവരാണ് പ്രധാന വേഷങ്ങളില്‍ എത്തുന്നത്. സിനിമയിലുടനീളം ദുല്‍ഖര്‍ പോലീസ് യൂണിഫോമില്‍ എത്തുന്നുവെന്ന പ്രത്യേകതയുളള ചിത്രമാണ് സല്യൂട്ട്.