'മോഹന്‍ലാലില്‍ നിന്ന് പഠിച്ചത് വലിയ ജീവിത പാഠം'; കുറിപ്പുമായി നടി ലക്ഷ്മി മഞ്ചു

നടി ലക്ഷ്മി മഞ്ചുവുമായി മോഹന്‍ലാല്‍ അടുത്തിടെ കൂടിക്കാഴ്ച നടത്തിയിരുന്നു.'ബ്രോ ഡാഡി' ഷൂട്ടിംഗിന്റെ ഒഴിവു വേളയിലായിരുന്നു തെലുങ്ക് താരം മോഹന്‍ ബാബുവിന്റെ വീട് ലാല്‍ സന്ദര്‍ശിച്ചത്. മോഹന്‍ ബാബുവിന്റെ മകളാണ് ലക്ഷ്മി. അദ്ദേഹവുമായുള്ള കൂടിക്കാഴ്ചയില്‍ താന്‍ പഠിച്ചത് ഒരു ജീവിതപാഠം ആണെന്നാണ് ലക്ഷ്മി പറയുന്നത്.

ലക്ഷ്മിയുടെ വാക്കുകളിലേക്ക്

'വളരെ അപൂര്‍വ്വം പേര്‍ മാത്രമാണു ഓണ്‍സ്‌ക്രീനിലും ഓഫ്‌സ്‌ക്രീനിലും ഒരേ പോലെ അത്ഭുതപ്പെടുത്തിയിട്ടുള്ളത്. അത്തരത്തിലുള്ള ഒരാളാണ് ലാലേട്ടന്‍. അദ്ദേഹവുമായുള്ള കഴിഞ്ഞ കൂടിക്കാഴ്ചകളില്‍ നിന്ന് ഞാന്‍ പഠിച്ചത് ഒരു ജീവിത പാഠമാണ്. 

 നാല് പതിറ്റാണ്ടിലേറെയായി സിനിമയില്‍ തുടരുന്ന അദ്ദേഹം കാട്ടുന്ന എളിമയും സര്‍ഗ്ഗാത്മകതയോടുള്ള ആവേശവും എടുത്ത് പറയേണ്ടതാണ്.

View this post on Instagram

A post shared by Lakshmi Manchu (@lakshmimanchu)

 രുചിയോട്, വസ്ത്രങ്ങളോട്, നിങ്ങള്‍ കാണിക്കുന്ന പാഷന്‍, നിങ്ങളുടെ പാട്ടില്‍ നിറയുന്ന മാന്ത്രികത... നിങ്ങള്‍ തെരഞ്ഞെടുക്കുന്ന റോളുകള്‍; എല്ലാം എന്റെ ജീവിതത്തില്‍ പ്രചോദനങ്ങള്‍ ആവുന്നു. ഇപ്പോള്‍ നിങ്ങളോടൊപ്പം സമയം ചെലവഴിച്ച് കഴിയുമ്പോള്‍, കൂടുതല്‍ മനസ്സിലാവുന്നു, ഒരു സൂപ്പര്‍സ്‌റാര്‍ എങ്ങനെയാവണം എന്ന് - എളിമയുള്ള, കരുണയുള്ള ആളാവണം എന്ന്. ഒപ്പം രസിപ്പിക്കാനും അറിയണം.

ഞങ്ങളുടെ കുടുംബത്തിലെ ഒരു സുഹൃത്ത് എന്ന നിലയില്‍ നിങ്ങളുടെ സാന്നിധ്യത്തിന് ഞങ്ങള്‍ എല്ലാവരും നന്ദിയുള്ളവരാണ്'- ലക്ഷ്മി കുറിച്ചു.