കഴിഞ്ഞ വർഷം എന്നെ ഏറ്റവും ഇമ്പ്രസ് ചെയ്തത് തല്ലുമാല, മൂന്ന് നാല് തവണ സിനിമ കണ്ടു: ലോകേഷ് കനകരാജ്

കഴിഞ്ഞ വർഷം തനിക്ക് ഏറ്റവും ഇഷ്ടപ്പെട്ട സിനിമ ഏതായിരുന്നുവെന്ന് വെളിപ്പെടുത്തി വിക്രം സംവിധായകൻ ലോകേഷ് കനകരാജ്. ഫിലിം കമ്പാനിയൻ സംഘടിപ്പിച്ച ഫിലിം മേക്കേഴ്സ് അഡ്ഡയിൽ അനുപമ ചോപ്രയുടെ ചോദ്യത്തിന് മറുപടിയായാണ് 2022ൽ തനിക്കേറ്റവും ഇഷ്ടപ്പെട്ട സിനിമയെ പറ്റി ലോകേഷ് മനസ് തുറന്നത്.

ടൊവിനോ തോമസ് നായകനായി ഖാലിദ് റഹ്മാൻ ഒരുക്കിയ തല്ലുമാലയാണ് തനിക്ക് 2022ൽ ഏറെ ഇഷ്ടപ്പെട്ടതെന്ന് ലോകേഷ് പറയുന്നു. ആ സിനിമകണ്ടപ്പോൾ തനിക്ക് ചെയ്യാൻ കഴിഞ്ഞിരുന്നെങ്കിൽ എന്ന് തോന്നിപോയെന്നും 2-3 തവണ തുടർച്ചയായി സിനിമ കണ്ടെന്നും സിനിമ എഡിറ്റ് ചെയ്ത രീതി ഏറെ ഇഷ്ടപ്പെട്ടെന്നും ലോകേഷ് പറഞ്ഞു.