യുവനടിയെ പീഡിപ്പിച്ചെന്ന കേസില് നടനും നിര്മാതാവുമായ വിജയ് ബാബുവിനെതിരെ ലുക്ക്ഔട്ട് നോട്ടീസ്. രാജ്യത്തെ എല്ലാ വിമാനത്താവളങ്ങളിലും അറിയിപ്പ് നല്കി. വിദേശത്തേക്ക് കടക്കാനുള്ള സാധ്യത പരിഗണിച്ചാണ് നടപടി. അതേസമയം, ബലാത്സംഗ കേസില് മുന്കൂര് ജാമ്യം തേടി വിജയ് ബാബു ഇന്ന് ഹൈക്കോടതിയെ സമീപിച്ചേക്കും. രണ്ടു കേസുകളാണ് എറണാകുളം സൗത്ത് പൊലീസ് സ്റ്റേഷനില് വിജയ് ബാബുവിനെതിരെ രജിസ്റ്റര് ചെയ്തിരിക്കുന്നത്.
