ഫഹദ് ഫാസിലിന്റെ ആരാധകര്‍ ഏറെ പ്രതീക്ഷയോടെ കാത്തിരിക്കുന്ന ചിത്രമാണ് മലയന്‍ കുഞ്ഞ്. ജോജിയുടെ ചിത്രീകരണം പൂര്‍ത്തിയാക്കിയാണ് മലയന്‍ കുഞ്ഞ് സെറ്റില്‍ ഫഹദ് ചേര്‍ന്നത് . ശരീര ഭാരം കുറച്ച് വ്യത്യസ്തമായ ഒരു ഗെറ്റപ്പിലാണ് നടനെ ഇതുവരെ പുറത്തുവന്ന ലൊക്കേഷന്‍ ചിത്രങ്ങളിലെല്ലാം കാണാനാകുന്നത്.വേറൊരു ഫഹദ് മാജിക്ക് തന്നെ പ്രതീക്ഷിക്കാം. ഇപ്പോഴിതാ സിനിമയെ കുറിച്ചൊരു അപ്‌ഡേറ്റ് നല്‍കിയിരിക്കുകയാണ് നിര്‍മ്മാതാക്കള്‍.
24 ഡിസംബര്‍ന് ട്രെയിലര്‍ പുറത്തുവിടുമെന്ന് അണിയറപ്രവര്‍ത്തകര്‍ അറിയിച്ചു. ഒപ്പം റിലീസ് തീയതിയും ഉണ്ടാകാം. ഒ.ടി.ടി റിലീസിനുള്ള സാധ്യതകളുണ്ട്.
രജീഷ വിജയന്‍, ജാഫര്‍ ഇടുക്കി,ഇന്ദ്രന്‍സ് തുടങ്ങിയവരാണ് പ്രധാന വേഷങ്ങളില്‍ എത്തുന്നത്.സജിമോന്‍ പ്രഭാകരന്‍ സംവിധാനം ചെയ്യുന്ന സിനിമയുടെ ചിത്രം ഫാസിലാണ് നിര്‍മ്മിക്കുന്നത്. മാലിക് സംവിധായകന്‍ മഹേഷ് നാരായണന്റെതാണ് തിരക്കഥ. എഡിറ്റര്‍ കൂടിയായ അദ്ദേഹം ആദ്യമായി ഛായാഗ്രഹണം നിര്‍വഹിക്കുന്ന ചിത്രം കൂടിയാണിത്.
സുഷിന്‍ ശ്യാം ആണ് ചിത്രത്തിനായി സംഗീതം ഒരുക്കുന്നത്.