പ്രകൃതി സംരക്ഷണത്തിന്റെ വിത്തുകള്‍ പാകി മമ്മൂട്ടി,ഇന്നത്തെ ദിവസത്തിന്റെ പ്രാധാന്യം ആരാധകരെ ഓര്‍മിപ്പിച്ച് നടന്‍

ജൂലൈ 28 ലോക പ്രകൃതി സംരക്ഷണ ദിനം,പരിസ്ഥിതിയുടെയും അതിന്റെ വിഭവങ്ങളുടെയും പ്രാധാന്യത്തെ കുറിച്ച് ജനങ്ങളില്‍ അവബോധം സൃഷ്ടിക്കുക എന്നതാണ് ഈ ദിനം ആഘോഷിക്കുന്നതിന്റെ പ്രധാന ലക്ഷ്യം. ആരാധകര്‍ക്കിടയില്‍ പ്രകൃതി സംരക്ഷണത്തിന്റെ വിത്തുകള്‍ പാകി മമ്മൂട്ടി.

View this post on Instagram

A post shared by Mammootty (@mammootty)

ലോക പ്രകൃതി സംരക്ഷണ ദിനത്തെ കുറിച്ചുള്ള അറിവ് ജനങ്ങളിലേക്ക് എത്തിക്കുന്നതിനായി സോഷ്യല്‍ മീഡിയയെ കൃത്യമായി ഉപയോഗിച്ചിരിക്കുകയാണ് മെഗാസ്റ്റാര്‍. തന്റെ ചിത്രങ്ങള്‍ പങ്കുവെച്ചുകൊണ്ട് ഇന്നത്തെ ദിവസത്തിന്റെ പ്രാധാന്യം ആരാധകരെ നടന്‍ ഓര്‍മ്മിപ്പിച്ചു.

വംശനാശത്തിന്റെ വക്കിലെത്തിയ മൃഗങ്ങളെയും വൃക്ഷങ്ങളെയും സംരക്ഷിക്കുക എന്ന ലക്ഷ്യം കൂടിയുണ്ട് ഈ ദിനം ആഘോഷിക്കുന്നതിന് പിന്നില്‍. 

പ്രകൃതിയുടെ സന്തുലിതാവസ്ഥ നിലനിര്‍ത്തണമെങ്കില്‍ ജലം, വായു, മണ്ണ്, ഊര്‍ജ്ജം, സസ്യങ്ങള്‍, ധാതുക്കള്‍, ജന്തുജാലങ്ങള്‍ തുടങ്ങിയവ സംരക്ഷിക്കുക തന്നെ വേണം.