Manorathangal Streaming Now: മനോരഥങ്ങള്‍ സംപ്രേഷണം ആരംഭിച്ചു; കാണാന്‍ ചെയ്യേണ്ടത്

മമ്മൂട്ടി, മോഹന്‍ലാല്‍, ഫഹദ് ഫാസില്‍, ബിജു മേനോന്‍, ഇന്ദ്രജിത്ത് സുകുമാരന്‍, ആസിഫ് അലി, സിദ്ദിഖ് എന്നിവരാണ് പ്രധാന കഥാപാത്രങ്ങളെ അവതരിപ്പിച്ചിരിക്കുന്നത്

Manorathangal Streaming Now: എം.ടി.വാസുദേവന്‍ നായരുടെ കഥകളെ ആസ്പദമാക്കി ഒരുക്കിയ ആന്തോളജി സീരിസ് 'മനോരഥങ്ങള്‍' റിലീസ് ചെയ്തു. എംടിയുടെ ഒന്‍പത് കഥകളെ ആസ്പദമാക്കി എട്ട് സംവിധായകര്‍ ചേര്‍ന്നാണ് 'മനോരഥങ്ങള്‍' അണിയിച്ചൊരുക്കിയിരിക്കുന്നത്. 

മമ്മൂട്ടി, മോഹന്‍ലാല്‍, ഫഹദ് ഫാസില്‍, ബിജു മേനോന്‍, ഇന്ദ്രജിത്ത് സുകുമാരന്‍, ആസിഫ് അലി, സിദ്ദിഖ് എന്നിവരാണ് പ്രധാന കഥാപാത്രങ്ങളെ അവതരിപ്പിച്ചിരിക്കുന്നത്. സീരിസ് ആരംഭിക്കുന്നത് കമല്‍ഹാസന്റെ അവതരണത്തോടെയാണ്. സീ5 ഒടിടി പ്ലാറ്റ്ഫോമിലാണ് (Manorathangal on Zee 5 OTT Platform) മനോരഥങ്ങള്‍ സംപ്രേഷണം ചെയ്യുന്നത്. സബ്‌സ്‌ക്രിപ്ഷന്‍ എടുത്തതിനു ശേഷം മനോരഥങ്ങള്‍ പ്രേക്ഷകര്‍ക്ക് കാണാവുന്നതാണ്. 

പ്രിയദര്‍ശന്‍ സംവിധാനം ചെയ്ത 'ഓളവും തീരവും' എന്ന ചിത്രത്തില്‍ മോഹന്‍ലാലാണ് നായകന്‍. എംടിയുടെ ആത്മകഥാംശമുള്ള 'കടുഗണ്ണാവ ഒരു യാത്രാക്കുറിപ്പ്' എന്ന കഥയില്‍ പി.കെ.വേണുഗോപാല്‍ എന്ന കഥാപാത്രമായി മമ്മൂട്ടി എത്തുന്നു. പാര്‍വതി, തിരുവോത്ത്, അപര്‍ണ ബാലമുരളി, സുരഭി ലക്ഷ്മി, മധുബാല, ആന്‍ അഗസ്റ്റിന്‍ എന്നിവരാണ് നായികമാര്‍.