മോഹന്‍ലാലും ശോഭനയും ഒന്നിക്കുന്ന ചിത്രമാണ് 'L360'.ഓപ്പറേഷന്‍ ജാവ,സൗദി വെള്ളയ്ക്ക എന്നീ ചിത്രങ്ങള്‍ക്ക് ശേഷം തരുണ്‍ മൂര്‍ത്തി സംവിധാനം ചെയ്യുന്ന സിനിമയുടെ പുതിയ വിശേഷങ്ങളാണ് പുറത്ത് വരുന്നത്.
റിലീസ് 2025ലേക്ക് മാറ്റി എന്നാണ് വിവരം.
മോഹന്‍ലാലിന്റെ ഷെഡ്യൂളിലെ മാറ്റങ്ങളുടെ പശ്ചാത്തലത്തിലാണ് L360 വൈകിപ്പിക്കാനുള്ള തീരുമാനം.പ്രത്യേകിച്ച് ലാലിന്റെ സംവിധാന അരങ്ങേറ്റം ബറോസിന്റെ റിലീസ് ഇനിയും ആയില്ല.
2024 സെപ്റ്റംബര്‍ 12-ന് റിലീസ് ചെയ്യാനായിരുന്നു തീരുമാനിച്ചിരുന്നത്, എന്നാല്‍ പോസ്റ്റ്-പ്രൊഡക്ഷന്‍ ജോലികള്‍ പ്രതീക്ഷിച്ചതിലും കൂടുതല്‍ സമയമെടുത്തതിനാല്‍ അതിന്റെ റിലീസ് വീണ്ടും ഷെഡ്യൂള്‍ ചെയ്തു.
2024 ഒക്ടോബറില്‍ ആയുധപൂജ ആഘോഷങ്ങളുടെ സമയത്ത് തന്നെ ബറോസ് തീയേറ്ററുകളില്‍ എത്തിയേക്കുമെന്നാണ് ഏറ്റവും പുതിയ റിപ്പോര്‍ട്ടുകള്‍.L360-യുടെ റിലീസ് 2025 ജനുവരിയിലാകും.
രജപുത്ര വിഷ്വല്‍സ് മീഡിയ അവതരിപ്പിക്കുന്ന L360 നിര്‍മിക്കുന്നത് എം രഞ്ജിത്ത് ആണ്. സിനിമയെ കുറിച്ചുള്ള യാതൊരു വിവരവും നിര്‍മ്മാതാക്കള്‍ ഇതുവരെ കൈമാറിയിട്ടില്ല. അതുകൊണ്ടുതന്നെ ഇന്ന് വരുന്ന പ്രധാന അപ്‌ഡേറ്റിനായി ആരാധകര്‍ കാത്തിരിക്കുകയാണ്. യുവ സംവിധായകന്‍ തരുണ്‍ മൂര്‍ത്തി മോഹന്‍ലാലിനൊപ്പം ഒന്നിക്കുമ്പോള്‍ വലിയ പ്രതീക്ഷകളാണ്.
