21 വര്‍ഷങ്ങള്‍ക്കുശേഷം,നരസിംഹത്തിലെ 'പഴനിമല മുരുകന്' വീണ്ടുമെത്തുന്നു

2000ല്‍ പുറത്തിറങ്ങിയ ഷാജി കൈലാസ് ചിത്രം നരസിംഹം ആയിരുന്നു ആശിര്‍വാദ് സിനിമാസിന്റെ ആദ്യ ചിത്രം. വര്‍ഷങ്ങള്‍ക്കിപ്പുറം മുപ്പതാമത്തെ സിനിമ നിര്‍മ്മിക്കുകയാണ് ആശിര്‍വാദ് സിനിമാസ്. അതും ഷാജികൈലാസിനൊപ്പം തന്നെ. എലോണ്‍ ഒരുങ്ങുകയാണ്. ഇപ്പോഴിതാ നരസിംഹത്തിലെ 'പഴനിമല മുരുകന്' എന്ന ഗാനം റീമാസ്റ്റര്‍ ചെയ്ത് 2K ക്വാളിറ്റിയില്‍ വീണ്ടും റിലീസ് ചെയ്യുകയാണ്. ഇന്ന് വൈകുന്നേരം 7 മണിക്ക് ആശിര്‍വാദ് സിനിമാസ് യൂട്യൂബ് ചാനലിലൂടെ ഗാനം പുറത്തുവിടും.

'മലയാളത്തിലെ ഏറ്റവുമധികം ആഘോഷിക്കപ്പെട്ട നരസിംഹത്തിലെ ഗാനം 'പഴനിമല മുരുകന്' റീമാസ്റ്റര്‍ ചെയ്ത് 2K നിലവാരത്തില്‍ ഇന്ന് വൈകിട്ട് 7 മണിക്ക് ആശിര്‍വാദ് സിനിമാസ് യൂട്യൂബ് ചാനലിലൂടെ റിലീസിന് തയ്യാറെടുക്കുന്നു. നമുക്ക് വീണ്ടും പാട്ടിനൊപ്പം നൃത്തം ചെയ്യാം'-ആശിര്‍വാദ് സിനിമാസ് കുറിച്ചു.