ശരിക്കും പ്രണയത്തിലോ? നാഗചൈതന്യയും ശോഭിതയുടെയും വിവാഹനിശ്ചയം ഇന്നെന്ന് തെലുങ്ക് മാധ്യമങ്ങൾ

Nagachaithanya, Shobhitha dhulipala

തെലുങ്ക് സിനിമാ താരങ്ങളായ നാഗ ചൈതന്യയുടെയും നടി ശോഭിതാ ധൂലിപാലയുടെയും വിവാഹനിശ്ചയം ഇന്നെന്ന് തെലുങ്ക് മാധ്യമങ്ങള്‍. 2021ല്‍ നടി സാമന്തയുമായി വേര്‍പിരിഞ്ഞതിന് ശേഷം ശോഭിതയും നാഗചൈതന്യയും തമ്മില്‍ പ്രണയത്തിലാണെന്ന റിപ്പോര്‍ട്ടുകള്‍ വന്നിരുന്നു. എന്നാല്‍ ഈ വാര്‍ത്തകളെ ഇരുവരും സ്ഥിരീകരിച്ചിരുന്നില്ല.

 നാഗചൈതന്യയും ശോഭിതാ ധൂലിപാലയും ഉടന്‍ തന്നെ വിവാഹിതരാവുമെന്നും അതിന് മുന്‍പായുള്ള വിവാഹനിശ്ചയചടങ്ങുകള്‍ ഇന്നുണ്ടാകുമെന്നാണ് തെലുങ്ക് മാധ്യമങ്ങള്‍ റിപ്പോര്‍ട്ട് ചെയ്യുന്നത്. ഈ റിപ്പോര്‍ട്ടുകളെ അധികരിച്ച് ദേശീയ മാധ്യമങ്ങളും വാര്‍ത്തനല്‍കിയിട്ടുണ്ട്. ബോളിവുഡ് ചിത്രമായ രമണ്‍ രാഘവ് 2.0യിലൂടെയാണ് ശോഭിത അഭിനയ രംഗത്തെത്തിയത്. അദിവി ശേഷിന്റെ ഗൂഡാചാരിയിലൂടെ തെലുങ്ക് സിനിമയിലെത്തിയ ശോഭിത മൂത്തോന്‍,കുറുപ്പ് എന്നീ മലയാള സിനിമകളിലും ഭാഗമായിട്ടുണ്ട്.