നടി നമിത പ്രമോദ് തൻറെ പുതിയ ചിത്രത്തിൻറെ ഷൂട്ടിംഗ് തിരക്കിലാണ്. ഇടുക്കി ജില്ലയിലെ ഒരു കോളേജിൽ ആണ് പുതിയ സിനിമയുടെ ഷൂട്ടിംഗ് നടക്കുന്നത്. ഇതുവരെയും പേരിടാത്ത സിനിമയിൽ അശ്വതി എന്ന കഥാപാത്രത്തെയാണ് താരം അവതരിപ്പിക്കുന്നത്. വെളുത്ത സാരി ധരിച്ച ഒരു ചിത്രം നമിത പ്രമോദ് സോഷ്യൽ മീഡിയയിലൂടെ പങ്കുവെച്ചു. ചിത്രത്തെക്കുറിച്ചുള്ള കൂടുതൽ വിവരങ്ങൾ ഉടൻ തന്നെ പുറത്തു വരും.
2011-ൽ പുറത്തിറങ്ങിയ ‘ട്രാഫിക്’ എന്ന ചിത്രത്തിലൂടെയാണ് നമിത പ്രമോദ് സിനിമയിൽ അരങ്ങേറ്റം കുറിച്ചത്. പിന്നീട് സത്യൻ അന്തിക്കാടിന്റെ 'പുതിയ തീരങ്ങൾ' എന്ന ചിത്രത്തിൽ നിവിൻപോളിയോടൊപ്പം നടി അഭിനയിച്ചു. സൗണ്ട് തോമ, വില്ലാളിവീരൻ, ചന്ദ്രേട്ടൻ എവിടെയാ, ലോ പോയിൻറ്, വിക്രമാദിത്യൻ തുടങ്ങിയവയാണ് താരത്തിന്റെ ജനപ്രിയ ചിത്രങ്ങൾ.
'അൽമല്ലു 'എന്ന ചിത്രമായിരുന്നു താരത്തിന്റെതായി ഒടുവിൽ പുറത്തുവന്നത്. ദിലീപിനൊപ്പം പ്രൊഫസർ ഡിങ്കൻ എന്ന ചിത്രവും താരത്തിന്റെ മുന്നിലുണ്ട്.
