സിനിമയ്ക്കപ്പുറമുള്ള നയൻസിൻ്റെ ജീവിതം: നയൻതാര :ബിയോണ്ട് ദ ഫെയറി ടെയ്ൽ ട്രെയ്‌ലർ നാളെ

Nayanthara

നയന്‍താരയുടെ ജീവിതത്തെ ആസ്പദമാക്കിയൊരുക്കുന്ന ഡോക്യുമെന്ററി ഫിലിം നയന്‍താര ബിയോണ്ട് ദ ഫെയറി ടെയ്ലിന്റെ ട്രെയ്ലര്‍ അണിയറപ്രവര്‍ത്തകര്‍ നാളെ പുറത്തുവിടും. ഈ മാസം 18ന് നയന്‍താരയുടെ പിറന്നാള്‍ ദിനത്തിലാണ് ഡോക്യുമെന്ററി ഫിലിം സ്ട്രീമിംഗ് ആരംഭിക്കുക. സിനിമാ താരമെന്ന പരിവേഷത്തിനപ്പുറമുള്ള നയന്‍താരയുടെ ജീവിതവും കുടുംബവും കരിയറിലെ ഉയര്‍ച്ച താഴ്ചകളും വിവാഹവുമെല്ലാം ഉള്‍പ്പെടുത്തികൊണ്ടാണ് ഡോക്യുമെന്ററി ഒരുങ്ങുന്നത്.

View this post on Instagram

A post shared by Netflix India (@netflix_in)

തന്റെ സിനിമാ ജീവിതത്തെ പറ്റി നയന്‍താര ഇതുവരെയും പറയാത്ത കാര്യങ്ങള്‍ ഡോക്യുമെന്ററിയിലുണ്ടാകുമോ എന്നറിയാനുള്ള കാാത്തിരിപ്പിലാണ് ആരാധകര്‍. സംവിധായകന്‍ വിഘ്‌നേഷ് ശിവന്മായുള്ള വിവാഹത്തെ പറ്റിയുള്ള ഡോക്യുമെന്ററിയായാണ് നയന്‍താര ബിയോണ്ട് ദ ഫെയറി ടെയ്ല്‍ ആദ്യം പ്രഖ്യാപിച്ചത്. പിന്നീടാണ് താരത്തിന്റെ കരിയര്‍ കൂടി ഉള്‍പ്പെടുത്തി ഡോക്യു - ഫിലിം ആക്കി മാറ്റിയത്. ഒരു മണിക്കൂര്‍ 21 മിനിറ്റാണ് സിനിമയുടെ ദൈര്‍ഘ്യം. ഗൗതം വാസുദേവ് മേനോന്‍ ആണ് സംവിധാനം.