'ശക്തമായ കഥയും സന്ദേശവും';നായാട്ട് ടീമിനെ പ്രശംസിച്ച് അനു സിതാര

മാര്‍ട്ടിന്‍ പ്രക്കാട്ടിന്റെ നയാട്ടിനെ കുറിച്ചുള്ള ചര്‍ച്ചകള്‍ തീരുന്നില്ല. ഏറ്റവും ഒടുവിലായി അനു സിതാരയും സിനിമയെ പ്രശംസിച്ചുകൊണ്ട് രംഗത്തെത്തി. 

'ശക്തമായ കഥയും സന്ദേശവുമുള്ള ആകര്‍ഷണീയമായ സിനിമയാണ് നായാട്ട്.നിമിഷ സജയന്‍, കുഞ്ചാക്കോ ബോബന്‍, ജോജു ജോര്‍ജ് സിനിമ മുഴുവനും ഈ മൂവരുടെയും പ്രകടനം കൊണ്ട് നിറഞ്ഞിരിക്കുന്നു. അതുപോലെതന്നെ ബിജു എന്ന കഥാപാത്രം അവതരിപ്പിച്ച ദിനേശും'-അനു സിതാര കുറിച്ചു. നെറ്റ്ഫ്‌ലിക്‌സില്‍ സിനിമ കാണുവാനും താരം ആരാധകരോട് അഭ്യര്‍ത്ഥിച്ചു.

സര്‍ക്കാര്‍ തീരുമാനങ്ങള്‍ ഇരയാക്കപ്പെടുന്ന മുന്ന് പോലീസ് ഉദ്യോഗസ്ഥരുടെ കഥയാണ് സിനിമ പറയുന്നത്.