മമ്മൂട്ടിയോടൊപ്പം അഭിനയിക്കുമ്പോള്‍ ആദ്യം ടെന്‍ഷന്‍, മഞ്ജു വാര്യര്‍ ലാളിത്യം നിറഞ്ഞ വ്യക്തിത്വം:നിഖില വിമല്‍

'ദി പ്രീസ്റ്റ്' പോലെ തന്നെ പ്രേക്ഷകര്‍ ഏറ്റെടുത്ത ഒരു ചിത്രമായിരുന്നു മമ്മൂട്ടിയെ കണ്ണെടുക്കാതെ നോക്കിയിരിക്കുന്ന നിഖില വിമലിന്റെ ഫോട്ടോ. വളരെ വേഗം ഈ ചിത്രം സോഷ്യല്‍ മീഡിയയില്‍ വൈറലായി മാറിയിരുന്നു. 'ദി പ്രീസ്റ്റ്'ല്‍ മമ്മൂട്ടിക്കൊപ്പം അഭിനയിക്കുമ്പോള്‍ ആദ്യം ടെന്‍ഷന്‍ ഉണ്ടായിരുന്നു എന്നാണ് നിഖില പറയുന്നത്.

എന്നാല്‍ ഷൂട്ടിങ്ങിന്റെ ആദ്യ ദിവസം തന്നെ തന്റെ എല്ലാ ടെന്‍ഷനും ഇല്ലാതാക്കാന്‍ മമ്മൂട്ടിക്ക് സാധിച്ചെന്നും നിഖില പറഞ്ഞു. മലയാളത്തിന്റെ ലേഡി സൂപ്പര്‍ സ്റ്റാര്‍ മഞ്ജുവാര്യര്‍ ഒപ്പവും അഭിനയിക്കുവാന്‍ ഈ ചിത്രത്തിലൂടെ നടിക്ക് അവസരം ലഭിച്ചു.ലാളിത്യം നിറഞ്ഞ വ്യക്തിത്വമാണ് മഞ്ജു ചേച്ചിയുടേതെന്നാണ് നിഖില പറയുന്നത്.

ജോജു ജോര്‍ജ്, അര്‍ജുന്‍ അശോകന്‍, ശ്രുതി രാമചന്ദ്രന്‍ എന്നിവര്‍ പ്രധാന കഥാപാത്രങ്ങളായി എത്തുന്ന മധുരം, സിബി മലയില്‍ സംവിധാനത്തിലൊരുങ്ങുന്ന കൊത്ത് തുടങ്ങിയ ചിത്രങ്ങളാണ് നിഖിലയുടെതായി ഇനി പുറത്തുവരാന്‍ ഉള്ളത്.