വിക്രം വന്നു, ഡിയർ ഫ്രണ്ടും അണ്ടേ സുന്ദരാനികിയും ജൂലൈ 10ന്: മറ്റ് റിലീസുകൾ ഇങ്ങനെ

തിയേറ്ററുകളിൽ സൂപ്പർഹിറ്റായി മാറിയ കമൽ ഹാസൻ ചിത്രം ഉൾപ്പടെ നിരവധി ചിത്രങ്ങളാണ് ജൂലൈയിൽ റിലീസ് ചെയ്യുന്നത്. സൂപ്പർ ഹിറ്റ് ചിത്രമായ വിക്രം ഇന്നലെ ഒടിടി റിലീസ് ചെയ്തപ്പോൾ ടൊവീനോ ചിത്രമായ ഡിയർ ഫ്രണ്ട്സ് ഈ മാസം 10നാണ് എത്തുക. ജൂലൈ മാസത്തിലെ പ്രധാന ഒടിടി റിലീസുകൾ ഏതെല്ലാമെന്ന് നോക്കാം.

പക: സോണി ലിവ് : ജൂൺ ഏഴിന്ന്‌

നിരവധി രാജ്യാന്തരമേകളിൽ പുരസ്കാരങ്ങൾ വാരിക്കൂട്ടിയ ചിത്രം വയനാടിൻ്റെ കുടിയേറ്റ ചരിത്രവും കാലങ്ങൾ പഴക്കമുള്ള പകയുമാണ് പറയുന്നത്. നിതിൻ ലൂക്കോസ് സംവിധാനം ചെയ്ത ചിത്രം അനുരാഗ് കശ്യപാണ് നിർമിച്ചിരിക്കുന്നത്.

ഇൻ: മനോരമ മാക്സ് : ജൂലൈ 8

ദീപ്തി സതി,മധുപാൽ എന്നിവർ പ്രധാനവേഷങ്ങളിലെത്തുന്ന ചിത്രം. രാജേഷ് നായർ ആണ് സംവിധാനം.

അണ്ടേ സുന്ദരാനികി: നെറ്റ്ഫ്ലിക്സ്: ജൂലൈ 10 

നസ്രിയയും നാനിയും പ്രധാനകഥാപാത്രങ്ങളായി എത്തുന്ന റൊമാൻ്റിക് കോമഡി എൻ്റർടൈനർ

ഡിയർ ഫ്രണ്ട്: നെറ്റ്ഫ്ലിക്സ്: ജൂലൈ 10

ടൊവിനോ തോമസ്, ബേസിൽ തോമസ്,ദർശന രാജേന്ദ്രൻ എന്നിവർ പ്രധാന കഥാപാത്രങ്ങളായെത്തുന്ന വിനീത് കുമാർ ചിത്രം. 

വാശി: നെറ്റ്ഫ്ലിക്സ്: ജൂലൈ 17

വിഷ്ണു ജി. രാഘവ് തിരക്കഥയും സംവിധാനവും നിര്‍വഹിച്ച ചിത്രത്തിൽ ടൊവിനോ തോമസും കീർത്തി സുരേഷും പ്രധാനവേഷങ്ങളിലെത്തുന്നു.

777 ചാർളി: വൂട്ട് : ജൂലൈ 29

കന്നഡ താരം രക്ഷിത് ഷെട്ടിയേയും ഒരു നായക്കുട്ടിയേയും പ്രധാന കഥാപാത്രങ്ങളാക്കി മലയാളിയായ കിരൺരാജ് സംവിധാനം ചെയ്ത ചിത്രം. ബോക്സോഫീസിലും ചിത്രം മികച്ച പ്രതികരണം നേടിയിരുന്നു.