ഫഹദിന്റെ 'പാച്ചുവും അത്ഭുതവിളക്കും' പറയാന്‍ പോകുന്നത് എന്താണ് ? ടീസര്‍ നാളെ എത്തും

സത്യന്‍ അന്തിക്കാടിന്റെ മകന്‍ അഖില്‍ സത്യന്‍ സംവിധാനം ചെയ്യുന്ന പുതിയ ചിത്രമാണ് 'പാച്ചുവും അത്ഭുതവിളക്കും'. ഫഹദ് ഫാസില്‍ നായകനായെത്തുന്ന സിനിമയുടെ തിരക്കിലാണ് അഖില്‍. ഇപ്പോഴിതാ ചിത്രത്തിന്റെ ടീസര്‍ അപ്‌ഡേറ്റ് എത്തിയിരിക്കുകയാണ്. നാളെ വൈകുന്നേരം 7 മണിക്ക് ടീസര്‍ പുറത്തുവരും.

ഫുള്‍ മൂണ്‍ സിനിമയുടെ ബാനറില്‍ സേതു മണ്ണാര്‍ക്കാട് ആണ് ചിത്രം നിര്‍മ്മിക്കുന്നത്. തിരക്കഥ സംവിധായകന്‍ അഖില്‍ തന്നെയാണ് ഒരുക്കുന്നത്. തമിഴ് സംഗീത സംവിധായകന്‍ ജസ്റ്റിന്‍ പ്രഭാകറാണ് ഈ ചിത്രത്തിനായി സംഗീതം ഒരുക്കുന്നത്. ശരണ്‍ വേലായുധന്‍ ഛായാഗ്രഹണം നിര്‍വഹിക്കുന്നു. ഗോവയും എറണാകുളവുമാണ് സിനിമയുടെ പ്രധാന ലൊക്കേഷനുകള്‍. 

നേരത്തെ സഹോദരന്‍ അനൂപ് സത്യന്‍ വരനെ ആവശ്യമുണ്ട് എന്ന ചിത്രത്തിലൂടെ സ്വതന്ത്ര സംവിധായകനായി അരങ്ങേറ്റം കുറിച്ചിരുന്നു.