Alia Bhatt: 'ഭർത്താവുമായി ലൈംഗിക ബന്ധത്തിലേർപ്പെടുന്ന വീഡിയോ ഒന്നും അല്ലല്ലോ പുറത്തുവന്നത്?'; ആലിയയോട് നടി പായൽ

ആലിയ ഭട്ടിന്റേയും രൺബീർ കപൂറിന്റേയും പുതിയ വീടിന്റെ ചിത്രങ്ങളും വീഡിയോകളും കഴിഞ്ഞ ദിവസങ്ങളിൽ സോഷ്യൽ മീഡിയയിൽ പ്രചരിച്ചിരുന്നു. തങ്ങളുടെ സ്വകാര്യതയിലേക്ക് കടന്നു കയറുകയും വീടിന്റെ ഉൾവശത്തിന്റെയടക്കം ചിത്രങ്ങളും ദൃശ്യങ്ങളും പ്രചരിപ്പിച്ച പാപ്പരാസികൾക്കെതിരെ ആലിയ രംഗത്തെത്തുകയും ചെയ്തിരുന്നു. 

എല്ലാ വീഡിയോയും ഫോട്ടോയും കണ്ടന്റല്ലെന്നാണ് ആലിയ പറഞ്ഞത്. വീഡിയോ നീക്കം ചെയ്യണമെന്നും ആലിയ ആവശ്യപ്പെട്ടിരുന്നു. ആലിയയുടെ ഈ പ്രതികരണത്തിനെതിരെ രംഗത്തെത്തിയിരിക്കുകയാണ് നടി പായൽ രോഹ്തഗി. പാപ്പരാസികൾ ചെയ്തത് സ്വകാര്യതയിലേക്കുള്ള കടന്നു കയറ്റമല്ലെന്നാണ് പായൽ ന്യായീകരിക്കുന്നത്. നിങ്ങൾ ലൈംഗിക ബന്ധത്തിലേർപ്പെടുന്നത് പുറത്ത് വിട്ടാൽ മാതമ്രേ സ്വാകര്യതയുടെ ലംഘനമായി കണക്കാക്കാൻ പറ്റുകയുള്ളൂവെന്നാണ് പായൽ പറയുന്നത്.

'ഇത് നിങ്ങളുടെ സ്വകാര്യതയിലേക്കുള്ള കടന്നുകയറ്റമായി കണക്കാക്കാൻ പറ്റില്ല. ഭർത്താവുമായോ മറ്റേതെങ്കിലും പുരുഷന്മാരുമായോ ലൈംഗിക ബന്ധത്തിലേർപ്പെടുന്നതാണ് സ്വകാര്യതയിലേക്കുള്ള കടന്നുകയറ്റമാകുന്നത്. നിങ്ങളുടെ വീടിന്റെ ലൊക്കേഷൻ പങ്കുവെക്കുന്നത് സ്വകാര്യതയിലേക്കുള്ള കടന്നു കയറ്റമല്ല. 

അടിസ്ഥാനമായ സാമാന്യബോധമുണ്ടാകുമെന്ന് കരുതുന്നു. ഇൻഫ്‌ളുവൻസേഴ്‌സ് പൊതുറോഡിൽ നിന്ന് വീഡിയോ എടുക്കാറുണ്ട്. അവിടേയും വീടുകളുണ്ട്. നിങ്ങൾക്ക് പണമുണ്ടല്ലോ സെക്യൂരിറ്റി കാമറയും മറ്റും വെക്കൂ'' എന്നായിരുന്നു പായൽ രോഹ്തഗിയുടെ പ്രതികരണം.

അതേസമയം, രൺബീറിന്റേയും ആലിയയുടേയും വിവാഹത്തിന് മുമ്പേ പുതിയ വീടിന്റെ നിർമാണം ആരംഭിച്ചിരുന്നു. രൺബീറിന്റെ അച്ഛന്റെ മാതാപിതാക്കളായ കൃഷ്ണയുടേയും രാജ് കപൂറിന്റേയും പേരുകൾ ചേർത്തു വച്ച് കൃഷ്ണരാജ് എന്നാണ് വീടിന് താരദമ്പതിമാർ പേരിട്ടിരിക്കുന്നത്. ആറ് നിലകളിലായി നിർമിച്ചിരിക്കുന്ന വീടിന്റെ മൂല്യം 250 കോടി വരുമെന്നാണ് റിപ്പോർട്ടുകൾ പറയുന്നത്.