‘കെ.ജി.എഫ്: ചാപ്റ്റർ 1’ ന്റെ വിജയത്തിനുശേഷം വീണ്ടുമൊരു ബഹുഭാഷാ ചിത്രവുമായി ഹോംബാലെ ഫിലിംസ്. പ്രശാന്ത് നീൽ സംവിധാനം ചെയ്യുന്ന ഈ ചിത്രത്തിൽ നായകനായി പ്രഭാസ് എത്തുന്നു. ‘സലാർ’ എന്ന പേരു നൽകിയിട്ടുള്ള ചിത്രത്തിൻറെ ടൈറ്റിൽ പോസ്റ്റർ പുറത്തുവന്നു.
തോക്കുമായി ഇരിക്കുന്ന പ്രഭാസിനെയാണ് പോസ്റ്ററിൽ കാണാനാകുക. കൂടുതൽ വിവരങ്ങൾ വരും ദിവസങ്ങളിൽ പുറത്തുവരുമെന്ന് പ്രതീക്ഷിക്കുന്നു.
അതേസമയം കെജിഎഫ് ചാപ്റ്റർ 2-ൻറെ ചിത്രീകരണം അവസാന ഘട്ടത്തിലാണ്.