നടി പ്രിയങ്ക ചോപ്ര ഭർത്താവ് നിക് ജോനാസും ജീവിതത്തിലെ ഏറ്റവും സന്തോഷകരമായ ഘട്ടത്തിലൂടെയാണ് കടന്നുപോകുന്നത്.തങ്ങൾക്ക് വാടക ഗർഭധാരണത്തിലൂടെ കുഞ്ഞ് പിറന്നതായി ഇരുവരും അറിയിച്ചു.
'വാടക ഗർഭധാരണത്തിലൂടെ ഞങ്ങൾ ഒരു കുഞ്ഞിനെ ജീവിതത്തിലേക്ക് സ്വാഗതം ചെയ്‌തെന്ന് വളരെ സന്തോഷത്തോടെ അറിയിക്കുന്നു. ഈ പ്രത്യേക സമയത്ത് ഞങ്ങൾ കുടുംബത്തിൽ ശ്രദ്ധ കേന്ദ്രീകരിക്കുന്നതിനാൽ ഞങ്ങൾക്ക് സ്വകാര്യത ആവശ്യമാണ്,'- പ്രിയങ്ക ചോപ്ര കുറിച്ചു.
2018 ലാണ് പ്രിയങ്ക ചോപ്രയും നിക് ജോനാസും വിവാഹിതരായത്.
മാട്രിക്‌സ് റിസറക്ഷൻസ് എന്ന ഹോളിവുഡ് ചിത്രത്തിനായി കാത്തിരിക്കുകയാണ് പ്രിയങ്ക.ജീലേ സരാ എന്ന ഹിന്ദി ചിത്രത്തിലും താരം അഭിനയിക്കുന്നുണ്ട്.
