വെന്റിലേറ്ററിൽ നിന്ന് മാറ്റി, ശ്രീനിവാസന്റെ ആരോഗ്യനിലയിൽ പുരോഗതി

ഹൃദയസംബന്ധമായ അസുഖങ്ങളെ തുടർന്ന് കൊച്ചിയിലെ സ്വകാര്യ ആശുപത്രിയിൽ പ്രവേശിപ്പിച്ചിരുന്ന നടനും സംവിധായകനും തിരക്കഥാകൃത്തുമായ ശ്രീനിവാസന്റെ ആരോ​ഗ്യനിലയിൽ പുരോഗതി. ആശുപത്രി അധികൃതർ പുറത്തിറ‌ക്കിയ മെഡിക്കൽ ബുള്ളറ്റിനിലാണ് 

വെന്റിലേറ്റർ നീക്കം ചെയ്‌തിട്ടുണ്ട്. കുടുംബാം​ഗങ്ങളുമായി സംസാരിക്കാനാവുന്നുണ്ട്. അദ്ദേഹം തിരികെ പഴയ ആരോ​ഗ്യാവസ്ഥയിലേക്ക് വരികയാണെന്നും മെഡിക്കൽ ബുള്ളറ്റിനിൽ പറയുന്നു. മാർച്ച് 30നാണ് നെഞ്ചുവേദനയെ തുടർന്ന് ശ്രീനിവാസനെ ആശുപത്രിയിലെത്തിച്ചത്. പിറ്റേന്ന് തന്നെ അദ്ദേഹത്തെ ബൈപാസ് സർജറിക്ക് വിധേയനാക്കിയിരുന്നു.