രജനികാന്തിന്റെ 'ജയിലര്‍' ഒരുങ്ങുകയാണ്.ഈ വര്‍ഷത്തെ ഏറ്റവും വലിയ തമിഴ് റിലീസുകളില്‍ ഒന്നായി സിനിമ മാറും. ഷൂട്ടിംഗ് അവസാന ഘട്ടത്തിലാണ്.
രജനികാന്തിന്റെ ഒരു മികച്ച പാന്‍-ഇന്ത്യന്‍ ചിത്രമായിരിക്കും 'ജയിലര്‍'.'പടയപ്പ'യിലെ പോലെതന്നെ രജനിയും രമ്യാ കൃഷ്ണനും സ്‌ക്രീന്‍ സ്‌പേസ് പങ്കിടുന്നത് കാണാനായി കാത്തിരിക്കുകയാണ് ആരാധകര്‍.
നെല്‍സണ്‍ ദിലീപ്കുമാറിന്റെ സംവിധാനത്തില്‍ ഒരുങ്ങുന്ന ചിത്രത്തില്‍ രജനിക്ക് എതിരായി അഭിനയിക്കുന്ന ചില സുപ്രധാന കഥാപാത്രങ്ങളെക്കുറിച്ചുള്ള ഒരു അപ്ഡേറ്റ് ഇതാ.
വസന്ത് രവി ഒരു പോലീസ് ഉദ്യോഗസ്ഥനായാണ് എത്തുന്നത്, യുവ നടന്‍ ചിത്രത്തില്‍ ഒരു ഐപിഎസ് ഓഫീസറുടെ വേഷത്തില്‍ പ്രത്യക്ഷപ്പെടും.
സുനിലും തമന്നയും സിനിമാ താരങ്ങളായി ചിത്രത്തില്‍ വേഷമിടും.
മോഹന്‍ലാല്‍, ശിവരാജ്കുമാര്‍, ജാക്കി ഷറോഫ്, വിനായകന്‍ എന്നിവരുടെ കഥാപാത്രങ്ങളെ കുറിച്ചുള്ള വിവരങ്ങള്‍ ഇതുവരെയും പുറത്തുവന്നിട്ടില്ല.
ഒരു ഗംഭീര ആക്ഷന്‍ സീക്വന്‍സിന്റെ ചിത്രീകരണം ഇപ്പോള്‍ നടന്നുകൊണ്ടിരിക്കുകയാണ്, രജനികാന്ത് ഉടന്‍ തന്നെ തന്റെ ഭാഗങ്ങള്‍ പൂര്‍ത്തിയാക്കും.
