കായംകുളം കൊച്ചുണ്ണിയ്ക്ക് ശേഷം നിവിൻ പോളി-റോഷൻ ആൻഡ്രൂസ് ടീം വീണ്ടും ഒന്നിക്കുന്നു. അടുത്തവർഷം ഷൂട്ടിങ് ആരംഭിക്കാനിരിക്കുന്ന സിനിമ ഒരു സർവൈവൽ ത്രില്ലർ ആയിരിക്കുമെന്നാണ് റിപ്പോർട്ട്.
മത്സ്യത്തൊഴിലാളികളുടെ ജീവിതത്തെ ചുറ്റിപ്പറ്റിയുള്ള ഒരു യഥാർത്ഥ ജീവിത കഥയായിരിക്കും ഇതെന്നാണ് സൂചന. ബോബി-സഞ്ജയ് തിരക്കഥയൊരുക്കുന്ന ചിത്രത്തിനായി കാത്തിരിക്കുകയാണ് ആരാധകർ.
ലിജു കൃഷ്ണയുടെ പടവെട്ട് ചിത്രീകരണം ഉടൻ പുനരാരംഭിക്കും. അതിനുശേഷം ബിസ്മി സ്‌പെഷ്യൽ, ഗ്യാങ്സ്റ്റർ ഓഫ് മുണ്ടൻമല എന്നീ ചിത്രങ്ങൾ കൂടി പൂർത്തിയാക്കേണ്ടതുണ്ട് നിവിൻ പോളിക്ക്.
