അൽഫോൺസ് പുത്രൻ ഒരുക്കിയ മലയാളക്കര ഒന്നടങ്കം സ്വീകരിച്ച പ്രേമം റിലീസ് ചെയ്‌ത് അഞ്ച് വർഷം പിന്നിട്ടിരിക്കുകയാണ്.ഭാഷയുടെ അതിർവരമ്പുകൾ എല്ലാം താണ്ടി തെന്നിന്ത്യ മുഴുവൻ ഏറ്റെടുത്ത ചിത്രമായിരുന്നു പ്രേമം.പ്രേമത്തിന് ശേഷം മലയാളത്തിലും മറ്റ് തെന്നിന്ത്യൻ ഭാഷകളിലും ഒരുപാട് ചിത്രങ്ങൾ ചെയ്‌തെങ്കിലും മലയാളികൾക്ക് താൻ ഇപ്പോളും മലർ മിസ്സ് തന്നെയാണെന്നാണ് ചിത്രത്തിൽ ആ വേഷം ചെയ്‌ത സായ് പല്ലവി പറയുന്നത്.ഫിലിം കമ്പാനിയന് നല്‍കിയ അഭിമുഖത്തിലാണ് സായ് പല്ലവിയുടെ വാക്കുകള്‍.
ഈയടുത്ത് ഒരു മലയാളി സ്ത്രീ വന്ന് മലർ മിസ്സല്ലേ എന്ന് ചോദിക്കുകയായിരുന്നു.ന്റെ മലര്‍ മിസ് അല്ലേ എന്നാണ് അവര്‍ ചോദിച്ചത്” എന്ന് സായ് പല്ലവി പറഞ്ഞു. അഞ്ചു വര്‍ഷത്തിനിപ്പുറവും പ്രേക്ഷകര്‍ തന്റെ കഥാപാത്രത്തെ ഓര്‍മിക്കുന്നതില്‍ സന്തോഷമുണ്ടെന്നും താരം പറഞ്ഞു.നിവിൻ പോളി നായകനായെത്തിയ പ്രേമം സായ് പല്ലവിയുടെ ആദ്യ സിനിമ കൂടിയായിരുന്നു.