ഇനി റിലീസിന് ഇട്ട് ദിവസങ്ങള്‍ മാത്രം ബാക്കി. ദുല്‍ഖറിന്റെ 'സല്യൂട്ട്' സോണി ലിവില്‍ മാര്‍ച്ച് 18ന് പ്രദര്‍ശനത്തിനെത്തും. മലയാളത്തില്‍ മാത്രമല്ല ഹിന്ദി, തമിഴ്, തെലുങ്ക്, കന്നഡ തുടങ്ങിയ ഭാഷകളിലും സിനിമയ്ക്ക് റിലീസ് ഉണ്ട്.
കഴിഞ്ഞ ദിവസം പുറത്തിറങ്ങിയ ട്രെയിലര്‍ സിനിമ എങ്ങനെയായിരിക്കും എന്ന വ്യക്തമായ സൂചന നല്‍കിയിരുന്നു.റോഷന്‍ ആന്‍ഡ്രൂസ് സംവിധാനം ചെയ്യുന്ന ഇന്‍വെസ്റ്റിഗേറ്റീവ് ത്രില്ലര്‍ തന്നെയാണെന്ന് ഉറപ്പു നല്‍കി ട്രെയിലര്‍.
അരവിന്ദ് കരുണാകരന്‍ എന്ന പോലീസ് ഉദ്യോഗസ്ഥനായി ദുല്‍ഖര്‍ വേഷമിടും. നേരത്തെ തിയറ്റര്‍ റിലീസിനോടനുബന്ധിച്ച് ട്രെയിലര്‍ പുറത്തിറക്കിയിരുന്നു. ജനുവരി 14നായിരുന്നു റിലീസ് ചെയ്യാന്‍ തീരുമാനിച്ചിരുന്നത്. പിന്നീട് അത് മാറ്റി ഒ.ടി.ടിയില്‍ എത്തിക്കുകയായിരുന്നു.
