മഹേഷിന്റെ പ്രതികാരം, തൊണ്ടിമുതലും ദൃക്സാക്ഷിയും എന്നീ ചിത്രങ്ങള്‍ക്ക് ശേഷം ഫഹദ് ഫാസിലിനെ നായകനാക്കി ദിലീഷ് പോത്തന്‍ സംവിധാനം ചെയ്ത ചിത്രത്തിന് എങ്ങും നിന്നും മികച്ച പ്രതികരണമാണ് ലഭിക്കുന്നത്. നടിയും സംവിധായികയുമായ ഗീതു മോഹന്‍ദാസ് ഉള്‍പ്പെടെയുള്ള താരങ്ങള്‍ സിനിമയ്ക്ക് കൈയ്യടിച്ചിരുന്നു. ഇപ്പോഴിതാ സിനിമ കണ്ട ശേഷം ആരാധകരോട് സിനിമ കാണുവാന്‍ അഭ്യര്‍ത്ഥിക്കുകയാണ് നടി സാനിയ ഇയ്യപ്പന്‍.
'ഒരു ഡാര്‍ക്ക് ക്രൈം ത്രില്ലര്‍ അത് നിങ്ങളെ ആശ്ചര്യപ്പെടുത്തും. മാസ്‌ക് ഇല്ലാതെ വീട്ടിലിരുന്ന് സുരക്ഷിതമായി ജോജി കാണാം.'- സാനിയ ഇയ്യപ്പന്‍ കുറിച്ചു.
ബാബുരാജ്, ഉണ്ണിമായ, ഷമ്മി തിലകന്‍ തുടങ്ങിയവരാണ് പ്രധാന വേഷങ്ങളില്‍ എത്തുന്നത്. ശ്യാം പുഷ്‌കരാണ് തിരക്കഥ ഒരുക്കുന്നത്. ഷേക് സ്പിയറിന്റെ വിഖ്യാത നാടകം മാക്ബത്തില്‍നിന്ന് പ്രചോദനം ഉള്‍ക്കൊണ്ടാണ് ചിത്രം ഒരുക്കുന്നത്.
