സ്‌കോട്ട്‌ലന്‍ഡിലെ യൂണിവേഴ്‌സിറ്റിയില്‍ നിന്ന് ബിരുദാനന്തര ബിരുദം സ്വന്തമാക്കി നടി സനുഷ

ബിരുദദാന ചടങ്ങില്‍ തന്റെ പേര് വിളിക്കുന്നതും കാത്ത് യൂണിവേഴ്‌സിറ്റി ഹാളില്‍ ഇരിക്കുമ്പോള്‍ വലിയ പ്രതീക്ഷകളോടെയും സ്വപ്‌നങ്ങളോടെയും തീര്‍ത്തും അപരിചിതമായ ഒരു സ്ഥലത്ത് എത്തിപ്പെട്ട ഒരു പെണ്‍കുട്ടിയെ താന്‍ ഓര്‍ത്തെന്ന് സനുഷ പറയുന്നു

Sanusha Santhosh

സന്തോഷവാര്‍ത്ത പങ്കുവെച്ച് നടി സനുഷ സന്തോഷ്. സ്‌കോട്ട്‌ലന്‍ഡിലെ എഡിന്‍ബര്‍ഗ് യൂണിവേഴ്‌സിറ്റിയില്‍ നിന്ന് ബിരുദാനന്തര ബിരുദം കരസ്ഥമാക്കിയിരിക്കുകയാണ് താരം. ഇന്‍സ്റ്റഗ്രാമിലൂടെയാണ് സനുഷ ഈ സന്തോഷവാര്‍ത്ത ആരാധകരെ അറിയിച്ചത്. 'ഗ്ലോബല്‍ മെന്റല്‍ ഹെല്‍ത്ത് ആന്‍ഡ് സൊസൈറ്റി' എന്നതിലാണ് സനുഷ എം.എസ്.സി കരസ്ഥമാക്കിയിരിക്കുന്നത്. യൂണിവേഴ്‌സിറ്റിയിലെ കോണ്‍വൊക്കേഷന്‍ ചടങ്ങിനു ശേഷമുള്ള ചിത്രങ്ങളും സനുഷ പങ്കുവെച്ചിട്ടുണ്ട്. 

View this post on Instagram

A post shared by Sanusha Santhosh???? (@sanusha_sanuuu)

ബിരുദദാന ചടങ്ങില്‍ തന്റെ പേര് വിളിക്കുന്നതും കാത്ത് യൂണിവേഴ്‌സിറ്റി ഹാളില്‍ ഇരിക്കുമ്പോള്‍ വലിയ പ്രതീക്ഷകളോടെയും സ്വപ്‌നങ്ങളോടെയും തീര്‍ത്തും അപരിചിതമായ ഒരു സ്ഥലത്ത് എത്തിപ്പെട്ട ഒരു പെണ്‍കുട്ടിയെ താന്‍ ഓര്‍ത്തെന്ന് സനുഷ പറയുന്നു. ' രണ്ടു വര്‍ഷങ്ങള്‍ നീണ്ട പോരാട്ടങ്ങള്‍, പഠനം ഉപേക്ഷിക്കാനുള്ള ചിന്ത, വീട് നഷ്ടപ്പെട്ടുവെന്ന തോന്നല്‍, കരച്ചില്‍, ഉറക്കമില്ലാത്ത രാത്രികള്‍, പാര്‍ട്ട് ടൈം ആന്‍ഡ് ഫുള്‍ ടൈം ജോലികള്‍, കഠിനാധ്വാനം, ആരോഗ്യപ്രശ്നങ്ങള്‍, മാനസിക സമ്മര്‍ദ്ദം തുടങ്ങിയ ഓരോ വികാരവും മനസ്സിലൂടെ കടന്നുപോയി. പക്ഷേ ഇപ്പോള്‍ എന്റെ അധ്വാനത്തിന് ഫലമുണ്ടായതായി ഞാന്‍ തിരിച്ചറിയുന്നു,' സനുഷ കുറിച്ചു. 

മമ്മൂട്ടി ചിത്രം 'കാഴ്ച'യിലൂടെയാണ് സനുഷ മലയാളികള്‍ക്ക് സുപരിചിതയായത്. മിസ്റ്റര്‍ മരുമകന്‍, സക്കറിയായുടെ ഗര്‍ഭിണികള്‍, സപ്തമശ്രീ തസ്‌കര, വേട്ട, ഒരു മുറൈ വന്ത് പാര്‍ത്തായാ തുടങ്ങി ഒട്ടേറെ നല്ല സിനിമകളില്‍ സനുഷ അഭിനയിച്ചിട്ടുണ്ട്.