മോഹൻലാലിനെ സ്വന്തമാക്കി സീ നെറ്റ്‌വർക്ക്

മോഹൻലാലിന്റെ കടുത്ത അരാധികയായി മഞ്ജു വാര്യർ വേഷമിട്ട ചിത്രം ‘മോഹൻലാലി‘ന്റെ സാറ്റലൈറ്റ് അവകാശം പ്രമുക ചാനൽ നെറ്റ്‌വർക്കായ സീ നെറ്റ്‌വർക്ക് സ്വന്തമാക്കി നാലു കോടി രൂപകാണ് ചിത്രത്തിന്റെ ഉപഗ്രഹ ചാനൽ പ്രക്ഷേപണ അവകാശം സീ നെറ്റ്‌വർക്ക് സ്വന്തമാക്കിയത്. 

സിനിമ മികച്ച പ്രതികരണവുമായി തീയറ്ററുകളിൽ മുന്നേറിക്കൊണ്ടിരിക്കുകയാണ്. ചിത്രത്തിലെ ഗാനങ്ങളുടെ ഡിജിറ്റൽ അവകാശവും സീ നെറ്റ്‌വർക്കിനു തന്നെയാണ്.  മോഹൻലാലിന്റെ പല ചിത്രങ്ങളിലൂടെയും കടന്നു പോകുന്ന സിനിമ പ്രേക്ഷകരെ രസിപ്പിക്കുന്ന തരത്തിലാണ് നിർമ്മിച്ചിരിക്കുന്നത്. നർമ്മത്തിനു പ്രാധാന്യം നൽകിയുള്ളതാണ് ചിത്രം. 

ചിത്രത്തിൽ കടുത്ത മോഹൻലാൽ ആരാധികയായ മീനുക്കുട്ടി എന്ന കഥാപാത്രത്തെയാണ് മഞ്ജു വാര്യർ കൈകാര്യം ചെയ്യുന്നത്. മീനുക്കുട്ടിയുടെ ഭർത്താവ് സേതുമാധവനായി വേഷമിടുന്നത് ഇന്ദ്രജിത് സുകുമാരനാണ്. സാജിദ് യാഹിയ സംവിധാനം ചെയ്ത സിനിമക്ക് തിരക്കഥ ഒരുക്കിയിരിക്കുന്നത് സുനീഷ് വാരനാടാണ്. 

മൈൻ‌ഡ് സെറ്റ് മൂവീസിന്റെ ബാനറിൽ അനിൽ കുമാറാന് ചിത്രം നിർമ്മിച്ചിരിക്കുന്നത് ചിത്രത്തിന്റെ റിലീസിൽ അനിശ്ചിതത്വം നേരിട്ടിരുന്നെങ്കിലും പ്രശ്നങ്ങളെല്ലാം പരിഹരിച്ച്  ആണിയറ പ്രവർത്തകർ ചിത്രം റിലീസിനെത്തിക്കുകയായിരുന്നു.