Indian 2: മുപ്പത്തിയാറ് വർഷങ്ങൾക്ക് ശേഷം കമൽഹാസനൊപ്പം സത്യരാജ് ഒന്നിക്കുന്നു

വിക്രം എന്ന സൂപ്പർ ഹിറ്റ് ചിത്രത്തിന് ശേഷം അടുത്ത കമൽഹാസൻ ചിത്രത്തിനുള്ള കാത്തിരിപ്പിലാണ് സിനിമ ആരാധകർ. കമൽഹാസൻ്റെ എക്കാലത്തെയും വലിയ ഹിറ്റ് ചിത്രമായ ഇന്ത്യൻ്റെ രണ്ടാം ഭാഗമാണ് അടുത്തതായി ഇറങ്ങുന്ന കമൽ സിനിമ. ഇപ്പോഴിതാ ഈ സിനിമയുമായി ബന്ധപ്പെട്ട വാർത്തയാണ് ചർച്ചയാകുന്നത്.

കമൽഹാസനൊപ്പം തമിഴിലെ മുൻനിര താരമായ സത്യരാജും ഇന്ത്യൻ 2വിൽ അഭിനയിക്കുമെന്നാണ് പുറത്തുവരുന്ന റിപ്പോർട്ടുകൾ. 1986ൽ പുറത്തിറങ്ങിയ വിക്രം എന്ന സിനിമയിലാണ് അവസാനമായി ഇരുവരും ഒന്നിച്ചത്. ശിവകാർത്തികേയൻ നായകനാകുന്ന പ്രിൻസ് ആണ് സത്യരാജ് അഭിനയിക്കുന്ന പുതിയ ചിത്രം. 200 കോടി മുതൽമുടക്കിൽ ഒരുങ്ങുന്ന ഇന്ത്യൻ 2വിൽ കാജൽ അഗർവാളാണ് നായികയായി എത്തുന്നത്.ബോളിവുഡ് താരം വിദ്യുത് ജമാല്‍ ചിത്രത്തില്‍ വില്ലൻ വേഷത്തില്‍ എത്തുന്നതായും റിപ്പോര്‍ട്ടുകളുണ്ട്. ഐശ്വര്യ രാജേഷും പ്രിയ ഭവാനിയും ചിത്രത്തിലെ മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്.