റി റിലീസെങ്കിൽ ഇങ്ങനെ വേണം, ഷാറൂഖും സൽമാനും വീണ്ടും ഒരുമിച്ച് സ്ക്രീനിൽ, ബോളിവുഡിൽ തീ പ്പാറും

Karan Arjun

സല്‍മാന്‍ ഖാന്‍ ഷാറൂഖ് ഖാന്‍ എന്നിവരെ നായകന്മാരാക്കി രാകേഷ് റോഷന്‍ ഒരുക്കിയ എക്കാലത്തെയും ഹിറ്റ് സിനിമയായ കരണ്‍ അര്‍ജുന്‍ റി റിലീസിന് ഒരുങ്ങുന്നു. 1995ല്‍ പുറത്തിറങ്ങിയ സിനിമയില്‍ സഹോദരങ്ങളായാണ് സൂപ്പര്‍ താരങ്ങള്‍ അഭിനയിച്ചത്. സിനിമാ ജീവിതത്തില്‍ പിന്നീടും ഒന്നിച്ച് അഭിനയിച്ചെങ്കിലും മുഴുനീള വേഷങ്ങളില്‍ പിന്നീട് സല്‍മാനും ഷാറൂഖും ഒരുമിച്ച് പ്രത്യക്ഷപ്പെട്ടിട്ടില്ല. അതിനാല്‍ തന്നെ കരണ്‍ അര്‍ജുന്റെ റി റിലീസ് ബോളിവുഡ് ഏറ്റെടുക്കുമെന്നാണ് പ്രതീക്ഷ.

 നവംബര്‍ 22നാണ് സിനിമ റി റിലീസാകുന്നത്. ഇതിനെ തുടര്‍ന്ന് സിനിമയുടെ പുതിയ ടീസര്‍ അണിയറപ്രവര്‍ത്തകര്‍ പുറത്തുവിട്ടു. സിനിമയുടെ ടീസര്‍ പുറത്തുവിട്ട സല്‍മാാന്‍ ഖാന്‍ നീണ്ട ഇടവേളയ്ക്ക് ശേഷം സിനിമ പുറത്തിറങ്ങുന്നതില്‍ സന്തോഷം പങ്കുവെച്ചു. അതേസമയം രാകേഷ് റോഷന്റെ മകനും സൂപ്പര്‍ താരവുമായ ഹൃത്വിക് റോഷനും സിനിമ പുറത്തിറങ്ങുന്നതില്‍ സന്തോഷം പങ്കുവെച്ചു. 

View this post on Instagram

A post shared by Salman Khan (@beingsalmankhan)

 രാഖി ഗുല്‍സാര്‍, ഷാറൂഖ് ഖാന്‍, സല്‍മാന്‍ ഖാന്‍ എന്നിവര്‍ പ്രധാനതാരങ്ങളായെത്തിയ സിനിമയില്‍ കജോള്‍,മമത കുല്‍ക്കര്‍ണി, രഞ്ജീത്ത്, അമരീഷ് പുരി തുടങ്ങി വലിയ താരനിരയാണ് അണിനിരന്നത്. ഒരു പ്രതികാര സിനിമയായി ഇറങ്ങിയ സിനിമ 1995ലാണ് റിലീസായത്. വമ്പന്‍ ഹിറ്റായി മാറിയ സിനിമയിലെ ഗാനങ്ങളും ശ്രദ്ധിക്കപ്പെട്ടിരുന്നു.