അഭിനയ കലയിലെ പെരുന്തച്ചന്‍ വിട പറഞ്ഞിട്ട് ഇന്നേക്ക് 9 വര്‍ഷം തികയുകയാണ്. തിലകന്റെ ഓര്‍മ്മകളിലാണ് മലയാള സിനിമാ ലോകം. അച്ഛന്റെ ഓര്‍മ്മകള്‍ മകന്‍ ഷമ്മി തിലകനും പങ്കുവെച്ചു.
'ചന്ദ്രകളഭം ചാര്‍ത്തി ഉറങ്ങുന്ന ഈ തീരത്ത്..; തരുമോ...?!ഇനിയൊരു_ജന്മം_കൂടി... വേര്‍പാടിന്റെ ഒന്‍പതാണ്ട്.'-ഷമ്മി തിലകന്‍ കുറിച്ചു.
ഒരുമാസത്തിലധികമായി ആശുപത്രിയില്‍ കിടന്ന തിലകന്‍ 2012 സെപ്റ്റംബര് 24-ാം തീയതി പുലര്‍ച്ചയ്ക്ക് 3:35 നു ഹൃദയാഘാതത്തെ തുടര്‍ന്ന് അന്തരിച്ചു. ന്യൂമോണിയ ബാധിച്ചതിനെ തുടര്‍ന്നായിരുന്നു തിരുവനന്തപുരം കിംസ് ആശുപത്രിയില്‍ അദ്ദേഹത്തെ പ്രവേശിപ്പിച്ചത്.
