ഹോമിന് ശേഷം വീണ്ടും ഇന്ദ്രന്‍സിനൊപ്പം,നടന്റെ സെറ്റിലെ പെരുമാറ്റം കണ്ടു പലരും പലതും പഠിക്കേണ്ടതുണ്ടെന്ന് നിര്‍മ്മാതാവ് ഷിബു ജി. സുസീലന്‍

ഹോമിന് ശേഷം വീണ്ടും ഇന്ദ്രന്‍സിനൊപ്പം പ്രവര്‍ത്തിക്കാന്‍ ആയതിന്റെ സന്തോഷത്തിലാണ് നിര്‍മ്മാതാവ് ഷിബു ജി. സുസീലന്‍.ഇന്ദ്രന്‍സിന്റെ സെറ്റിലെ പെരുമാറ്റം കണ്ടു പലരും പലതും പഠിക്കേണ്ടതുണ്ട് എന്നാണ് അദ്ദേഹം പറയുന്നത്.

'#HOME കഴിഞ്ഞിട്ട്...ഞങ്ങള്‍ വീണ്ടും ഒരു കുടകീഴില്‍.കഴിഞ്ഞ ഓണത്തിന് ലോകം മുഴുവന്‍ കണ്ട ഏക മലയാള സിനിമയിലെ ഈ നടന്റെ സെറ്റിലെ പെരുമാറ്റം കണ്ടു പലരും പലതും പഠിക്കേണ്ടതുണ്ട്.

വന്ന വഴിയും കൂടെ നിന്നവരെയും ഓര്‍ത്തുകൊണ്ട് ഇന്ദ്രന്‍സ് ചേട്ടന്‍ എന്നും മുന്നില്‍ തന്നെയാണ്.'-ഷിബു ജി. സുസീലന്‍ കുറിച്ചു.

ഇന്ദ്രന്‍സ് കേന്ദ്ര കഥാപാത്രത്തെ അവതരിപ്പിക്കുന്ന പുതിയ ചിത്രമാണ് 'വാമനന്‍'.നവാഗതനായ എ.ബി.ബിനില്‍ കഥയും തിരക്കഥയും രചിച്ച് സംവിധാനം ചെയ്യുന്ന സിനിമയില്‍ വിജയ് ബാബു തികച്ചും വ്യത്യസ്ഥമായ വേഷത്തിലെത്തുന്നു.ഹൊറര്‍ സൈക്കോ ത്രില്ലറായി ചിത്രം ഒരുങ്ങുന്നു.