Webdunia - Bharat's app for daily news and videos

Install App

മൂന്ന് ദിവസത്തെ ഷൂട്ടിങ്ങിന് ശേഷം നായികയെ മാറ്റി, പകരം കോഴിക്കോട് സ്വദേശിനി ശ്വേത;17-ാം വയസ്സില്‍ മമ്മൂട്ടിയുടെ നായികയായി അരങ്ങേറ്റം, സിനിമ പൊളിഞ്ഞു

Webdunia
തിങ്കള്‍, 16 ഓഗസ്റ്റ് 2021 (12:17 IST)
മോഡലിങ്ങിലൂടെ സിനിമ രംഗത്ത് എത്തിയ താരമാണ് ശ്വേത മേനോന്‍. മമ്മൂട്ടി, മോഹന്‍ലാല്‍, സുരേഷ് ഗോപി തുടങ്ങി പ്രമുഖ താരങ്ങളുടെയെല്ലാം നായികയായി ശ്വേത അഭിനയിച്ചിട്ടുണ്ട്. മമ്മൂട്ടി നായകനായ അനശ്വരത്തിലൂടെയാണ് ശ്വേത സിനിമയില്‍ അരങ്ങേറുന്നത്. 1991 ലായിരുന്നു അത്. ജോമോന്‍ സംവിധാനം ചെയ്ത അനശ്വരം നിര്‍മിച്ചത് മണിയന്‍പിള്ള രാജുവാണ്. 
 
എന്നാല്‍, അനശ്വരത്തില്‍ നായികയാകാന്‍ ആദ്യം തീരുമാനിച്ചത് ശ്വേത മേനോനെയല്ല ! 1991 മാര്‍ച്ച് മൂന്നിനെ വെള്ളിനക്ഷത്രത്തിലെ റിപ്പോര്‍ട്ട് ആണ് ഇപ്പോള്‍ ചര്‍ച്ചയായിരിക്കുന്നത്. അനശ്വരത്തിലെ നായികയെ മാറ്റിയെന്ന് ഈ റിപ്പോര്‍ട്ടില്‍ പറയുന്നു. ഷലാക്കാ കാര്‍ണിക് ആണ് അനശ്വരത്തില്‍ നായികയാകാന്‍ ആദ്യം എത്തിയത്. മൂന്ന് ദിവസത്തെ ഷൂട്ടിങ്ങിന് ശേഷമാണ് ഷലാക്കയെ മാറ്റിയത്. ഷലാക്കയ്ക്ക് പകരം കോഴിക്കോട് സ്വദേശിനി ശ്വേതയാണ് പുതിയ നായികയെന്നും ഈ റിപ്പോര്‍ട്ടില്‍ പറയുന്നുണ്ട്. 

മമ്മൂട്ടിക്കൊപ്പം ആടിയും പാടിയും പ്രണയിച്ചു തകര്‍ക്കുകയായിരുന്നു ശ്വേത അനശ്വരം എന്ന സിനിമയില്‍. സിനിമയിലെ പാട്ടുകളെല്ലാം സൂപ്പര്‍ഹിറ്റായി. എന്നാല്‍, ഈ സിനിമയില്‍ അഭിനയിക്കുമ്പോള്‍ ശ്വേത മോനോന് പ്രായം 18 ല്‍ കുറവായിരുന്നു ! അനശ്വരത്തില്‍ മമ്മൂട്ടിയുടെ നായികയായി അഭിനയിക്കുമ്പോള്‍ 17 വയസ് മാത്രമായിരുന്നു ശ്വേതയുടെ പ്രായം. 
 
ടി.എ.റസാഖ് തിരക്കഥ രചിച്ച് ജോമോന്‍ സംവിധാനം ചെയ്ത ചിത്രമാണ് അനശ്വരം. മമ്മൂട്ടി, ശ്വേത മേനോന്‍, ഇന്നസെന്റ്, കുതിരവട്ടം പപ്പു എന്നിവരാണ് സിനിമയില്‍ കേന്ദ്ര കഥാപാത്രങ്ങളെ അവതരിപ്പിച്ചത്. ഇളയരാജയുടേതാണ് സംഗീതം. വലിയ പ്രതീക്ഷകളോടെ തിയറ്ററുകളിലെത്തിയ സിനിമ സാമ്പത്തിക വിജയം നേടിയില്ല.
 
 

അനുബന്ധ വാര്‍ത്തകള്‍

വായിക്കുക

അടി അവിടെ നടക്കട്ടെ, ഇവിടെ ഫോട്ടോഷൂട്ട്: എലഗന്റ് ലുക്കില്‍ അഹാനയും അമ്മയും , ചിത്രങ്ങള്‍ വൈറല്‍

അന്ന് കമൽ നവ്യ നായരെ തെറ്റിദ്ധരിച്ചു; സംഭവിച്ചത്

രാജമൗലി ചിത്രത്തിലേക്കില്ല, വില്ലനാകാൻ താൽപ്പര്യമില്ലെന്ന് വിക്രം

'ദുൽഖറും ജയം രവിയും കഷ്ടിച്ച് രക്ഷപ്പെട്ടു!; ത​ഗ് ലൈഫിന് പിന്നാലെ നടൻമാർക്ക് കൈയടിച്ച് ആരാധകർ

ഐക്യം തകര്‍ക്കും: വെട്രിമാരന്റെ സിനിമയ്ക്ക് സെന്‍സര്‍ സര്‍ട്ടിഫിക്കറ്റ് നല്‍കിയില്ല; വിമര്‍ശിച്ച് ഹൈക്കോടതി

എല്ലാം കാണുക

ഏറ്റവും പുതിയത്

Shafi Parambil and Rahul Mamkootathil: 'ഷോ കുറയ്ക്കണം, മോശമായി'; രാഹുലിനെയും ഷാഫിയെയും ഒറ്റപ്പെടുത്തി കോണ്‍ഗ്രസ്, സതീശനു അതൃപ്തി

ഇസ്രായേലിനെ സഹായിക്കരുത്, അമേരിക്കയ്ക്ക് ഇറാന്റെ മുന്നറിയിപ്പ്, ആക്രമണം തുടര്‍ന്നാല്‍ ടെഹ്‌റാന്‍ കത്തിക്കുമെന്ന് ഇസ്രായേല്‍

Wan Hai 503: ശ്രദ്ധിക്കുക: വാന്‍ ഹായ് 503 കപ്പലില്‍ നിന്നു വീണ കണ്ടെയ്‌നറുകള്‍ തീരത്തേക്ക്, ജാഗ്രത

ഇസ്രയേലിനെ സഹായിച്ചാല്‍ തിരിച്ചടി നേരിടേണ്ടി വരും: അമേരിക്കയ്ക്കും ഫ്രാന്‍സിനും മുന്നറിയിപ്പ് നല്‍കി ഇറാന്‍

പഹല്‍ഗാം ആക്രമണത്തെ അപലപിച്ചില്ലെന്ന് എംവി ഗോവിന്ദന്റെ ആരോപണം; നിയമനടപടിക്കൊരുങ്ങി ജമാ അത്തെ ഇസ്ലാമി

അടുത്ത ലേഖനം
Show comments