'ഞങ്ങള്‍ എല്ലാ വെല്ലുവിളികളെയും നേരിട്ടു'; മിന്നല്‍ മുരളി ചിത്രീകരണം പൂര്‍ത്തിയായത് 2 വര്‍ഷം കൊണ്ട്, ടോവിനോ തോമസിന് നന്ദി പറഞ്ഞ് നിര്‍മ്മാതാവ് സോഫിയ പോള്‍

മിന്നല്‍ മുരളിയുടെ പ്രൊഡക്ഷനും ഷൂട്ടിംഗും ആരംഭിച്ചപ്പോള്‍ ചിത്രീകരണം രണ്ടുവര്‍ഷത്തോളം നീളുമെന്ന് നിര്‍മ്മാതാക്കള്‍ പ്രതീക്ഷിച്ചിരുന്നില്ല. നിരവധി വെല്ലുവിളികളെ നേരിട്ടു കൊണ്ടാണ് ടീം ചിത്രീകരണം പൂര്‍ത്തിയാക്കിയത്. അതിനായി ടോവിനോ തോമസും ബേസില്‍ ജോസഫും മുഴുവന്‍ അണിയറ പ്രവര്‍ത്തകരും ഒപ്പം നിന്നു. ഇപ്പോള്‍ ചിത്രീകരണം പൂര്‍ത്തിയാക്കിയിരിക്കുകയാണ് നിര്‍മ്മാതാക്കള്‍. ചിത്രം എല്ലാവരെയും രസിപ്പിക്കുമെന്ന ഉറപ്പ് നിര്‍മ്മാതാവ് 

'മിന്നല്‍ മുരളിയുടെ ചിത്രീകരണത്തിന് പാക്കപ്പ് ആയി. രണ്ട് വര്‍ഷം മുമ്പ്, മലയാളത്തിലെ സൂപ്പര്‍ ഹീറോ സിനിമയായ ഞങ്ങളുടെ അഭിലാഷ പദ്ധതിയുടെ പ്രീപ്രൊഡക്ഷനും ഷൂട്ടിംഗും ആരംഭിച്ചപ്പോള്‍, ചിത്രീകരണം പൂര്‍ത്തിയാക്കാനുള്ള രണ്ടുവര്‍ഷത്തെ തയ്യാറെടുപ്പൊന്നും ഉണ്ടായിരുന്നില്ല.

എന്നാല്‍ കഴിവുള്ളവരും പ്രചോദിതരുമായ ഒരു ടീമിനൊപ്പം ഞങ്ങള്‍ എല്ലാ വെല്ലുവിളികളെയും നേരിട്ടു, ഞങ്ങള്‍ ഇപ്പോള്‍ സിനിമ നിങ്ങളിലേക്ക് എത്തിക്കുന്നതിന് അടുത്താണ്. ഞങ്ങളുടെ സൂപ്പര്‍ ഹീറോ ടോവിനോത്തോമസിനും എല്ലാ കലാകാരന്മാര്‍ക്കും എന്റെ സംവിധായകന്‍ ബേസില്‍ ജോസഫിനും സംഘത്തിനും ഒരു വലിയ നന്ദി. മിന്നല്‍ മുരളി നിങ്ങളെ രസിപ്പിക്കുമെന്നും അദ്ദേഹത്തിന്റെ വരവിനായി ആകാംക്ഷയോടെ കാത്തിരിക്കുമെന്നും ഞങ്ങള്‍ പ്രതീക്ഷിക്കുന്നു'- സോഫിയ പോള്‍ കുറിച്ചു.