ഭീഷ്മ പര്‍വ്വം ഒരു എപിക് ചിത്രം:ശ്രീനാഥ് ഭാസി

മമ്മൂട്ടിയുടെ ഭീഷ്മപര്‍വ്വം റിലീസിന് ഒരുങ്ങുകയാണ്. ഫെബ്രുവരിയിലാകും ചിത്രം പ്രദര്‍ശനത്തിനെത്തുക. ഈ ചിത്രം ഒരു വന്‍ സംഭവം ആവുമെന്ന് നടന്‍ ശ്രീനാഥ് ഭാസി.

ഭീഷ്മപര്‍വ്വത്തില്‍ അഭിനയിച്ച പലരും പലപ്പോഴായി പറഞ്ഞിട്ടുള്ളത് ഈ ചിത്രം ഒരു വന്‍ സംഭവം ആവുമെന്നാണെന്ന് നടന്‍ ശ്രീനാഥ് ഭാസി.വമ്പന്‍ കാന്‍വാസില്‍ ഒരുക്കുന്ന ഈ സിനിമയില്‍ അഭിനയിക്കാനായി തന്നെ ഒരു ഭാഗ്യമാണ്. ഭീഷ്മ പര്‍വ്വം ഒരു എപിക് ചിത്രമാണെന്നും മമ്മൂട്ടി, അമല്‍ നീരദ് എന്നിവക്കൊപ്പം ജോലി ചെയ്യാന്‍ സാധിച്ചത് വലിയ അനുഗ്രഹമായി കരുതുന്നുവെന്നും ശ്രീനാഥ് ഭാസി പറഞ്ഞു.

സൗബിന്‍ ഷാഹിര്‍, ഫര്‍ഹാന്‍ ഫാസില്‍ , വീണ നന്ദകുമാര്‍, ലെന, ശ്രിന്ദ, ദിലീഷ് പോത്തന്‍, സുദേവ് നായര്‍, ഷൈന്‍ ടോം ചാക്കോ, നദിയ മൊയ്തു എന്നിവരാണ് മറ്റു പ്രധാന വേഷങ്ങളില്‍ എത്തുന്നത്.