സന്തൂർ മമ്മി ഇവിടെയുണ്ട്! 13 വർഷങ്ങൾക്കിടയിൽ എടുത്ത ചിത്രങ്ങൾ പങ്കുവെച്ച് സുഹാസിനി

13 വര്‍ഷത്തെ ഇടവേളയ്ക്കുള്ളിലെടുത്ത രണ്ടു ചിത്രങ്ങള്‍ പങ്കുവച്ച് നടിയും സംവിധായികയുമായ സുഹാസിനി. വർഷങ്ങൾക്ക് മുൻപ് ഒരു സിനിമയുടെ ഷൂട്ടിനിടയിൽ എടുത്ത ചിത്രമാണ് സുഹാസിനി വീണ്ടും പുനഃസൃഷ്ടിച്ചിരിക്കുന്നത്. ഒപ്പം ഒരു കുറിപ്പും താരം പങ്കുവെച്ചു.

നിങ്ങൾക്കിത് വിശ്വസിക്കാനാകുമോ? ഈ ചിത്രങ്ങൾ 13 വർഷത്തെ ഇടവേളയിൽ എടുത്തതാണ്. ആദ്യത്തേത് ബാംഗ്ലൂരില്‍ ‘എരട്‌നെ മധുവേ’ എന്ന ചിത്രത്തിന് വേണ്ടിയായിരുന്നു. ഇന്ന് ഞങ്ങള്‍ ഷൂട്ടിന് വേണ്ടി അതെ സാരി സംഘടിപ്പിച്ചു. സാരിയോ, മോഡലോ,ഫോട്ടോഗ്രാഫറോ പഴയതുമായി പൊരുത്തപ്പെടുന്നതല്ല. പക്ഷേ ഈ ഫോട്ടോ ഒരുപാട് സന്തോഷം നല്‍കുന്നു. നന്ദി ആസ്ത, ഈ കൊളാഷിന്.” സുഹാസിനി കുറിച്ചു.