തിയറ്ററുകളില്‍ ആളുകളെ നിറയ്ക്കാന്‍ 'ജവാന്‍' നാളെ എത്തും. അഡ്വാന്‍സ് ബുക്കിംഗിന് മികച്ച പ്രതികരണമാണ് ലഭിച്ചുകൊണ്ടിരിക്കുന്നത്.ഷാരൂഖ് ഖാന്റെ പത്താന്‍ ഹിന്ദി ചലച്ചിത്ര വ്യവസായത്തിന് മികച്ചൊരു തുടക്കമാണ് സമ്മാനിച്ചത്. ഗദര്‍ 2, സത്യപ്രേം കി കഥ, റോക്കി ഔര്‍ റാണി കി പ്രേം കഹാനി, OMG 2 തുടങ്ങിയ ഹിന്ദി ചിത്രങ്ങള്‍ ആളുകളെ തിയറ്ററുകളിലേക്ക് തിരികെ കൊണ്ടുവന്നു.4500 സ്‌ക്രീനുകളിലാണ് ജവാന്‍ റിലീസ് ചെയ്യുന്നത്.
ബുക്ക് മൈ ഷോയിലൂടെ (BookMyShow) 75 ലക്ഷം ടിക്കറ്റുകള്‍ ഇന്ത്യയില്‍ മാത്രം വിറ്റെന്നാണ് റിപ്പോര്‍ട്ടുകള്‍.
ചിത്രത്തിന്റെ സംഗീതം ഒരുക്കുന്ന അനിരുദ്ധ് രവിചന്ദ്രന്‍ ഉള്‍പ്പെടെ അറ്റ്ലിയുടെയും നയന്‍താരയുടെയും ബോളിവുഡ് അരങ്ങേറ്റം കൂടിയാണിത്.
സെപ്തംബര്‍ 7 ന് തിയേറ്ററുകളില്‍ റിലീസ് ചെയ്യുന്ന ചിത്രത്തില്‍ ഷാരൂഖ് ഖാന്‍, നയന്‍താര, വിജയ് സേതുപതി, പ്രിയാമണി, സന്യ മല്‍ഹോത്ര, യോഗി ബാബു, റിദ്ധി ദോഗ്ര തുടങ്ങിയവരും അഭിനയിക്കുന്നു. അതിഥി വേഷത്തിലാണ് ദീപിക പദുക്കോണ്‍ എത്തുന്നത്.
