കുടുംബത്തില്‍നിന്ന് അകന്നു നില്‍ക്കാനാവില്ല,വീട്ടില്‍ തിരിച്ചെത്തിയ സന്തോഷത്തില്‍ സംവിധായകന്‍ വിഘ്‌നേഷ് ശിവന്‍

ജനപ്രിയ തമിഴ് സംവിധായകന്‍ വിഘ്‌നേഷ് ശിവന്‍ പുതിയ സിനിമയുടെ തിരക്കുകളിലാണ്.'ലവ് ഇന്‍ഷുറന്‍സ് കോര്‍പ്പറേഷന്‍' അല്ലെങ്കില്‍ 'എല്‍ഐസി' എന്ന ചുരുക്കപ്പേരില്‍ അറിയപ്പെടുന്ന സിനിമയുടെ ചിത്രീകരണം പുരോഗമിക്കുകയാണ്.

തന്റെ ഇരട്ടക്കുട്ടികളോടും ഭാര്യ നയന്‍താരയോടും ചേര്‍ന്നല്ലാതെ വിഘ്‌നേഷ് ശിവനെ അധികം കാണാറില്ല. സിനിമയുടെ ചിത്രീകരണത്തിന് വേണ്ടി ഇവരില്‍നിന്ന് കുറേ ദിവസം അകന്നു നില്‍ക്കേണ്ടി വന്നിരുന്നു സംവിധായകന്.

വിഘ്‌നേഷ് ശിവന്‍ 'എല്‍ഐസി'യുടെ ഒരു പ്രധാന ഭാഗം മലേഷ്യയിലും സിംഗപ്പൂരിലും ചിത്രീകരിച്ചു, ഷെഡ്യൂള്‍ പൂര്‍ത്തിയായി.

View this post on Instagram

A post shared by Vignesh Shivan (@wikkiofficial)

 മക്കളെയും ഭാര്യ നയന്‍താരയെയും കാണാന്‍ വീട്ടിലേക്ക് മടങ്ങിയതിന്റെ സന്തോഷം വാക്കുകള്‍ കൊണ്ട് പറഞ്ഞറിയിക്കാന്‍ ആയില്ല വിഘ്‌നേഷന്.സിംഗപ്പൂരിലെയും മലേഷ്യയിലെയും ചിത്രീകരണത്തിന് ശേഷം വീട്ടിലെത്തിയപ്പോള്‍ ആദ്യം കുട്ടികളെ ചെന്ന് കണ്ട് സ്‌നേഹം പ്രകടിപ്പിച്ചു.ആഴ്ചകളോളം അച്ഛനായി കാത്തിരിക്കുകയായിരുന്നു മക്കള്‍.

  അടുത്ത ഷെഡ്യൂള്‍ കുറച്ച് ദിവസങ്ങള്‍ക്ക് ശേഷം ചെന്നൈയില്‍ ആരംഭിക്കുമെന്ന് പ്രതീക്ഷിക്കുന്നു.

 'എല്‍ഐസി' എന്ന ചിത്രത്തില്‍ പ്രദീപ് രംഗനാഥന്‍, കൃതി ഷെട്ടി എന്നിവര്‍ പ്രധാന കഥാപാത്രങ്ങളെ അവതരിപ്പിക്കുന്നു, എസ് ജെ സൂര്യ ഒരു നിര്‍ണായക കഥാപാത്രത്തെ അവതരിപ്പിക്കുന്നു. അനിരുദ്ധ് രവിചന്ദര്‍ സംഗീതം ഒരുക്കുന്ന ചിത്രം റൊമാന്റിക് ഡ്രാമയാണ്.

 നയന്‍താരയെ ചിത്രത്തില്‍ നായികയാക്കാന്‍ വിഘ്നേഷ് ശിവന്‍ നേരത്തെ ശ്രമിച്ചിരുന്നുവെങ്കിലും ചില കാരണങ്ങളാല്‍ നയന്‍താരയെ കൊണ്ടുവരുന്നതില്‍ സംവിധായകന്‍ പരാജയപ്പെട്ടു.