ഞായറാഴ്ച കളക്ഷനിൽ നേട്ടമുണ്ടാക്കി വീര ധീര സൂരൻ, കണക്കുകൾ പുറത്ത്

ചിയാന്‍ വിക്രം നായകനായി എത്തിയ വീര ധൂര സൂരന് മികച്ച പ്രതികരണം. എമ്പുരാന്റെ ഒപ്പം റിലീസ് ചെയ്ത സിനിമയ്ക്ക് ആദ്യ ദിനങ്ങളില്‍ ബോക്‌സോഫീസില്‍ നിന്നും കാര്യമായ നേട്ടമുണ്ടാക്കാനായിരുന്നില്ല. ആദ്യദിനത്തില്‍ റിലീസ് വൈകിയതും സിനിമയ്ക്ക് തിരിച്ചടിയാവുകയായിരുന്നു.

 ആദ്യദിനത്തില്‍ 3.2 കോടി മാത്രം ഇന്ത്യയില്‍ നിന്ന് നേടിയ സിനിമ ഞായറാഴ്ച മാത്രം 7.27 കോടി രൂപ ബോക്‌സോഫീസില്‍ നിന്നും നേടിയിരുന്നു. ഇതോടെ സിനിമയുടെ ആകെ കളക്ഷന്‍ 20 കോടി പിന്നിട്ടു.  കഥാപശ്ചാത്തലം കൊണ്ടും അവതരണം കൊണ്ടും സിനിമ പ്രേക്ഷകരെ ആകര്‍ഷിച്ചതോടെ മൗത്ത് പബ്ലിസിറ്റിയിലൂടെയാണ് സിനിമ നേട്ടമുണ്ടാക്കിയത്. എസ് യു അരുണ്‍കുമാര്‍ സംവിധാനം ചെയ്ത സിനിമയില്‍ എസ് ജെ സൂര്യ, സുരാജ് വെഞ്ഞാറമൂട്, ദുഷാര വിജയന്‍ എന്നിവരാണ് പ്രധാനകഥാപാത്രങ്ങളെ അവതരിപ്പിച്ചിരിക്കുന്നത്.