മാര്‍ക്കറ്റിംഗ് പ്രതിഭയായിരുന്നു അറ്റ്‌ലസ് രാമചന്ദ്രന്‍: വിജയ് ബാബു

അതുവരെ കണ്ടിട്ടില്ലാത്ത കാമ്പെയ്നുകളുമായി വന്ന ഒരു മാര്‍ക്കറ്റിംഗ് പ്രതിഭയായിരുന്നു അറ്റ്‌ലസ് രാമചന്ദ്രനെന്ന് നടനും നിര്‍മ്മാതാവുമായ വിജയ് ബാബു. ദുബായില്‍ ജോലി ചെയ്തിരുന്ന കാലത്ത് അദ്ദേഹവുമായി പല തരത്തില്‍ സംവദിക്കാന്‍ ഭാഗ്യമുണ്ടെന്ന് നടന്‍ പറയുന്നു.

'അറ്റ്‌ലസ് രാമചന്ദ്രന്‍, ഒരു മിഡാസ് ടച്ചുള്ള ബിസിനസ്സുകാരനും നിര്‍മ്മാതാവും. നൂതനവും ഇതുവരെ കണ്ടിട്ടില്ലാത്തതുമായ കാമ്പെയ്നുകളുമായി വന്ന ഒരു മാര്‍ക്കറ്റിംഗ് പ്രതിഭയായിരുന്നു അദ്ദേഹം. അദ്ദേഹം എക്കാലത്തെയും ക്ലാസിക് സിനിമയായ 'വൈശാലി' നിര്‍മ്മിച്ചു.

 ASIANET ടെലിവിഷന്‍, STAR TV, ZEE TV എന്നിവയുടെ മാര്‍ക്കറ്റിംഗ്, സെയില്‍സ് കണ്‍സഷനറി ആയി ദുബായില്‍ ജോലി ചെയ്തിരുന്ന കാലത്ത് അദ്ദേഹവുമായി പല തരത്തില്‍ സംവദിക്കാന്‍ ഭാഗ്യമുണ്ട്. ചേട്ടാ സമാധാനത്തില്‍ വിശ്രമിക്കൂ'- വിജയ് ബാബു കുറിച്ചു.