വേറെ ലെവല്‍ !വിജയ് ദേവരകൊണ്ടയുടെ 'വിഡി12' റിലീസ് പ്രഖ്യാപിച്ചു

വിജയ് ദേവരകൊണ്ട നായകനാക്കി എത്തുന്ന പുതിയ ചിത്രമാണ് 'വിഡി12'.ഗൗതം ടിന്നനൂരി തിരക്കഥ എഴുതി സംവിധാനം ചെയ്യുന്ന സിനിമയുടെ റിലീസ് പ്രഖ്യാപിച്ചു. 2025 മാര്‍ച്ച് 28ന് ചിത്രം തിയറ്ററുകളിലെത്തും. 

ഇതുവരെ കാണാത്ത രീതിയില്‍ വിജയ് ദേവരകൊണ്ടയെ കാണാനാകും എന്നതാണ് സിനിമയുടെ ഒരു പ്രത്യേകത. നിലവില്‍ 60% ചിത്രീകരണം പൂര്‍ത്തിയായി. സിനിമയുടെ യഥാര്‍ത്ഥ പേരും ഫസ്റ്റ് ലുക്ക് പോസ്റ്ററും ഈ മാസം തന്നെ പുറത്തുവരും.അനിരുദ്ധ് രവിചന്ദറാണ് സിനിമയ്ക്കായി സംഗീതം ഒരുക്കുന്നത്.

 സിത്താര എന്റര്‍ടെയ്ന്‍മെന്റിന്റെ ബാനറില്‍ സൂര്യദേവര നാഗ വംശിയും ഫോര്‍ച്യൂണ്‍ ഫോര്‍ സിനിമാസിന്റെ ബാനറില്‍ സായ് സൗജന്യയും ചേര്‍ന്ന് നിര്‍മ്മിക്കുന്ന ഈ ചിത്രം ശ്രീകര സ്റ്റുഡിയോസാണ് അവതരിപ്പിക്കുന്നത്.