മക്കള്‍ സെല്‍വന്‍ വിജയ് സേതുപതി നായകനായെത്തുന്ന 'ലാബം' റിലീസ് പ്രഖ്യാപിച്ചു. തമിഴിലും തെലുങ്കിലുമായി നിര്‍മ്മിച്ച ചിത്രം ഏപ്രിലില്‍ തീയറ്ററുകളില്‍ റിലീസ് ചെയ്യാന്‍ പദ്ധതിയിട്ടിരുന്നെങ്കിലും, കോവിഡ് വ്യാപനത്തെ തുടര്‍ന്ന് മാറ്റിവെക്കുകയായിരുന്നു.സംവിധായകന്‍ എസ്.പി.ജനനാഥന്‍ സംവിധാനം ചെയ്ത ചിത്രം സെപ്റ്റംബര്‍ 9 -ന് തിയേറ്ററുകളിലെത്തുമെന്ന് നിര്‍മാതാക്കള്‍ അറിയിച്ചു.
ശ്രുതി ഹാസന്‍ ആണ് നായിക. വര്‍ഷങ്ങള്‍ക്കിപ്പുറം തമിഴിലേക്ക് തിരിച്ചു വരവ് നടത്താന്‍ ഒരുങ്ങുകയാണ് ശ്രുതി.ശ്രീ രഞ്ജനി എന്നാണ് ശ്രുതിയുടെ കഥാപാത്രത്തിന്റെ പേര്.സായ് ധന്‍ഷിക, പൃഥ്വി പാണ്ഡ്യരാജന്‍ എന്നിവരാണ് മറ്റു പ്രധാന വേഷങ്ങളില്‍ എത്തുന്നത്.ഡി ഇമ്മനാണ് ചിത്രത്തിന് സംഗീതം ഒരുക്കുന്നത്.
