രായനിലേത് ഞാൻ ചെയ്യേണ്ട വേഷമായിരുന്നില്ല, ആദ്യം സമീപിച്ചത് ആ തമിഴ് നടനെ: കാളിദാസ് ജയറാം

Raayan

ബാലതാരമായി സിനിമയിലെത്തി മലയാളി സിനിമാ ആസ്വാദകരെ ഞെട്ടിച്ച താരമാണ് കാളിദാസ് ജയറാം. ആദ്യ സിനിമയായ എന്റെ വീട് അപ്പൂന്റെം എന്ന സിനിമയിലൂടെ മികച്ച ബാലതാരത്തിനുള്ള ദേശീയ പുരസ്‌കാരം നേടാന്‍ കാളിദാസിനായിരുന്നു. തിരിച്ചുവരവില്‍ മലയാളം സിനിമയില്‍ തിളങ്ങാനായില്ലെങ്കിലും തമിഴ് സിനിമയില്‍ തിളങ്ങുവാന്‍ കാളിദാസിനായിരുന്നു.

ധനുഷ് സംവിധാനം ചെയ്യുന്ന രായനാണ് കാളിദാസിന്റെ ഏറ്റവും പുതിയ സിനിമ. ധനുഷിന്റെ അമ്പതാമത് സിനിമയില്‍ പ്രധാനവേഷങ്ങളില്‍ ഒന്നാണ് കാളിദാസ് അവതരിപ്പിക്കുന്നത്. ധനുഷിന്റെ സഹോദരനായാണ് സിനിമയില്‍ കാളിദാസ് എത്തുന്നത്. എസ്‌ജെ സൂര്യ,സെല്‍വരാഘവന്‍,പ്രകാശ് രാജ്,അപര്‍ണ ബാലമുരളി,ദുഷാറ വിജയന്‍,സന്ദീപ് കിഷന്‍ എന്നിങ്ങനെ വലിയ താരനിരയാണ് സിനിമയിലുള്ളത്.

കാളീദാസിന്റെ വേഷത്തിലേക്ക് തമിഴ് നടനായ വിഷ്ണു വിശാലിനെയായിരുന്നു ആദ്യം പരിഗണിച്ചത്. എന്നാല്‍ താന്‍ സിനിമയുടെ ഭാഗമായപ്പോള്‍ വിഷ്ണു വിഷാലിനെ പോലെ ചെയ്യേണ്ടതില്ലെന്നും തനിക്ക് പറ്റുന്നത് പോലെ ചെയ്താല്‍ മതിയെന്നും സംവിധായകന്‍ കൂടിയായ ധനുഷ് പറഞ്ഞതായി കാളിദാസ് പറയുന്നു. രായന്‍ സിനിമയുമായി ബന്ധപ്പെട്ട് സിനിമാ എക്‌സ്പ്രസിന് നല്‍കിയ അഭിമുഖത്തിലാണ് താരം ഇക്കാര്യം പറഞ്ഞത്.