എന്താണ് മമ്മൂട്ടി സർ കഴിക്കുന്നത്? പഞ്ചസാര തീരെയില്ല, ഡയറ്റ് പ്ലാൻ വെളിപ്പെടുത്തി ഡയറ്റീഷ്യൻ

പഞ്ചസാരയും ജങ്ക് ഫുഡും ഒഴിവാക്കുകയും ചെയ്തതാണ് നടന്റെ ആരോഗ്യ രഹസ്യം

എഴുപത് കഴിഞ്ഞിട്ടും തന്റെ ആരോഗ്യ കാര്യത്തിൽ ഏറെ ശ്രദ്ധ നൽകുന്ന ആളാണ് നടൻ മമ്മൂട്ടി. നടന്റെ ആഹാര രീതികൾ സഹതാരങ്ങൾക്കെല്ലാം ഒരു പാഠപുസ്തകമാണ്. ഇപ്പോഴിതാ, മമ്മൂട്ടി പിന്തുടരുന്ന ആരോഗ്യകരമായ ഭക്ഷണരീതി പങ്കുവച്ചിരിക്കുകയാണ് താരത്തിന്റെ ഡയറ്റീഷ്യനായ നതാഷ മോഹൻ. രുചിയിൽ വിട്ടുവീഴ്ചയില്ലാതെ മിതമായി എല്ലാം കഴിക്കുന്ന രീതിയാണ് മമ്മൂട്ടി പിന്തുടരുന്നത്. സമീകൃതഭക്ഷണം ആസ്വദിച്ചു കഴിക്കുകയും പഞ്ചസാരയും ജങ്ക് ഫുഡും ഒഴിവാക്കുകയും ചെയ്തതാണ് നടന്റെ ആരോഗ്യ രഹസ്യം എന്നാണ് നതാഷ പറയുന്നത്.

നതാഷ പങ്കുവച്ച ഡയറ്റ് പ്ലാൻ:

എന്താണ് മമ്മൂട്ടി സർ കഴിക്കുന്നത്? സൂപ്പർതാരം മമ്മൂട്ടിയുടെ ജീവിതശൈലിയിൽ നിന്ന് പ്രചോദനം ഉൾക്കൊണ്ടുള്ള ഡയറ്റ് പ്ലാൻ നിർദേശങ്ങൾ:

1. സമീകൃത ഭക്ഷണം: ഓരോ പ്ലേറ്റ് ഭക്ഷണത്തിലും പ്രോട്ടീനുകൾ, ആരോഗ്യകരമായ കൊഴുപ്പുകൾ, കോപ്ലെക്‌സ് കാർബോഹൈഡേറ്റ്‌സ് എന്നിവ ഉൾപ്പെടുന്നു.

2. ജലാംശം: ജലാംശം നിലനിർത്തുന്നതിൽ മമ്മൂട്ടി എപ്പോഴും ശ്രദ്ധിക്കുന്നു. ദിവസം മുഴുവൻ ധാരാളം വെള്ളം കുടിക്കുകയും പഴങ്ങളും പച്ചക്കറികളും പോലുള്ള ജലാംശം നൽകുന്ന ഭക്ഷണങ്ങൾ ഉൾപ്പെടുത്തുകയും ചെയ്യുന്നു.

3. പോഷക ആഗിരണം: പോഷകങ്ങൾക്കും ആന്റിഓക്സിഡന്റുകൾക്കുമായി വർണ്ണാഭമായ പഴങ്ങളും പച്ചക്കറികളും ഭക്ഷണത്തിൽ ഉൾപ്പെടുത്തുന്നു.

4. കഴിക്കുന്നതിലെ നിയന്ത്രണം: മിതത്വം പ്രധാനമാണ്, ഇത് രുചികരമായ ഭക്ഷണം കഴിച്ചുകൊണ്ടു തന്നെ ആരോഗ്യകരമായ ഭാരം നിലനിർത്താൻ സഹായിക്കുന്നു.

5. ഹോൾ ഫുഡ്സ് (Whole Foods): മികച്ച ഊർജ്ജം ലഭിക്കാനും നിലനിറുത്താനും മുഴുവനായും സംസ്‌കരിക്കാത്ത ഭക്ഷണങ്ങളിൽ ശ്രദ്ധ കേന്ദ്രീകരിക്കുക. പഞ്ചസാരയുടെയും ജങ്ക് ഫുഡിന്റെയും ഉപയോഗം കുറയ്ക്കുക.

6. കൃത്യമായ നേരങ്ങളിൽ ഭക്ഷണം: ഊർജനില സ്ഥിരമായി നിലനിർത്താനും ഭക്ഷണത്തോടുള്ള അമിത ആസക്തി ഒഴിവാക്കാനും കൃത്യമായ നേരങ്ങളിൽ ഭക്ഷണം കഴിക്കുക. ഇടനേരത്ത് വിശക്കുന്നുവെങ്കിൽ ചെറിയ ലഘുഭക്ഷണങ്ങൾ ഉൾപ്പെടുത്താം.

7. ആസ്വദിച്ച് കഴിക്കൽ: വിശപ്പിന്റെ സൂചനകൾ ശ്രദ്ധിച്ച് ഓരോ ഭക്ഷണവും ആസ്വദിച്ച് കഴിക്കുക. ഇത് മികച്ച ദഹനത്തെ പ്രോത്സാഹിപ്പിക്കുന്നു.

8. സജീവമായ ജീവിതശൈലി : കൃത്യമായ വ്യായാമം പിന്തുടരുന്ന വ്യക്തിയാണ് മമ്മൂട്ടി. അദ്ദേഹത്തെപ്പോലെ ആക്ടീവ് ആയിരിക്കുന്നതിന് വ്യായാമവും പോഷണവും കൈകോർക്കുന്ന ആശയം പിന്തുടരുക.