'ഭർത്താവിന് അവിഹിതബന്ധം, സുഹൃത്തിനൊപ്പം കിടക്ക പങ്കിടാൻ നിർബന്ധിച്ച് പീഡനം'; വിവാദങ്ങൾ നിറഞ്ഞ കരിഷ്മ-സഞ്ജയ് വിവാഹമോചനം

ഏറെ വിവാദമായിരുന്നു ഇവരുടെ ദാമ്പത്യവും ഡിവോഴ്‌സും.

നടി കരിഷ്മ കപൂറിന്റെ മുൻഭർത്താവ് സഞ്ജയ് കപൂർ ഹൃദയാഘാതത്തെ തുടർന്ന് മരണപ്പെട്ടതോടെ, കരിഷ്മ കപൂർ-സഞ്ജയ് വിവാഹമോചനം വീണ്ടും ചർച്ചകളിൽ നിറയുകയാണ്. 11 വർഷം നീണ്ട ദാമ്പത്യജീവിതത്തിന് ശേഷം 2016ൽ ആണ് ഇരുവരും നിയമപരമായി വേർപിരിഞ്ഞത്. 2003ൽ ആയിരുന്നു സഞ്ജയും കരിഷ്മയും വിവാഹിതരായത്. ഏറെ വിവാദമായിരുന്നു ഇവരുടെ ദാമ്പത്യവും ഡിവോഴ്‌സും.

വിവാഹമോചന സമയം സഞ്ജയ്ക്കെതിരെ ഗുരുതര ആരോപണങ്ങളായിരുന്നു കരിഷ്മ ഉന്നയിച്ചത്. കോടതിയിൽ നാടകീയ രംഗങ്ങൾ ആയിരുന്നു അരങ്ങേറിയത്. സഞ്ജയ് തന്നെ ശാരീരികമായി പീഡിപ്പിച്ചിരുന്നുവെന്നും ഹണിമൂൺ സമയത്ത് സുഹൃത്തിനൊപ്പം കിടക്ക പങ്കിടാൻ നിർബന്ധിച്ചുവെന്നും കരിഷ്മ വെളിപ്പെടുത്തിയിരുന്നു. സഞ്ജയും അമ്മ റാണിയും സ്ത്രീധനത്തിന്റെ പേരിൽ തന്നെ പീഡിപ്പിച്ചു. സഞ്ജയുടെ ജീവിത രീതി ശരിയല്ലെന്നും മറ്റ് സ്ത്രീകളുമായി സഞ്ജയ്ക്ക് ബന്ധമുണ്ടെന്നും മകന്റെ ഏത് ബന്ധത്തിനും അമ്മ പിന്തുണയ്ക്കാറുണ്ടെന്നും കരിഷ്മ ആരോപിച്ചിരുന്നു. 

എന്നാൽ ഇത് തന്നെ ബ്ലാക്ക് മെയിൽ ചെയ്യാനും പണത്തിനും ആഡംബരത്തിനും വേണ്ടിയാണ് എന്ന് പറഞ്ഞായിുരുന്നു അന്ന് സഞ്ജയ് തിരിച്ചടിച്ചത്. ഫോബ്സ് റിപ്പോർട്ട് പ്രകാരം സഞ്ജയ് കപൂറിന്റെ ആസ്തി 10300 കോടി രൂപയാണ്. ലോകത്തിലെ ഏറ്റവും സമ്പന്നരുടെ പട്ടികയിലും സ്ഥാനം നേടിയിട്ടുള്ള വ്യക്തിയാണ് സഞ്ജയ് കപൂർ. ഇലക്ട്രോണിക് വാഹന നിർമ്മാണ രംഗത്ത് ലോകത്തിലെ ലീഡിംഗ് കമ്പനികളിൽ ഒന്നിന്റെ ഉടമ കൂടിയായിരുന്നു സഞ്ജയ് കപൂർ. തന്റെ അച്ഛന്റെ മരണത്തോടെയാണ് സഞ്ജയ് സോന കോംസ്റ്റാറിന്റെ തലപ്പത്തേക്ക് വരുന്നത്.