മമിത ബൈജുവിന്റെ തമിഴ് അരങ്ങേറ്റം, പ്രേമലുപോലെ ക്ലിക്കാകുമോ? 'റിബല്‍' ട്രെയിലര്‍ കാണാം

കേരളം പശ്ചാത്തലം ആക്കുന്ന തമ്മില്‍ സിനിമ വരുകയാണ്.ജി വി പ്രകാശ് കുമാറിനെ നായകനാക്കി നവാഗതനായ നികേഷ് ആര്‍ എസ് സംവിധാനം ചെയ്ത റിബല്‍ റിലീസിന് ഒരുങ്ങുകയാണ്.പ്രേമലുവിലൂടെ തെന്നിന്ത്യ ഒട്ടാകെ അറിയപ്പെടുന്ന താരമായി മമിത ബൈജു മാറിയിരുന്നു. നടിയുടെ ആദ്യ തമിഴ് ചിത്രം കൂടിയാണ് വരാനിരിക്കുന്നത്. ചിത്രത്തിന്റെ ട്രെയ്‌ലര്‍ പുറത്തുവന്നു.

കേരളത്തിലെ ഒരു കോളേജില്‍ പഠിക്കാന്‍ എത്തുന്ന തമിഴ് യുവാവാണ് ജി വി പ്രകാശ് കുമാര്‍ അവതരിപ്പിക്കുന്ന കഥാപാത്രം. ഗൗരവമുള്ള വിഷയം റൊമാന്റിക് ട്രാക്കില്‍ ചാലിച്ച് പറയുകയാണ് സംവിധായകന്‍. കേരളത്തിലെ ഒരു കോളേജില്‍ തമിഴ് യുവാക്കള്‍ നേരിടുന്ന അപരത്വമാണ് ചിത്രത്തിന്റെ പ്രമേയമെന്നാണ് മനസ്സിലാക്കാന്‍ ആകുന്നത്. ക്യാമ്പസ് രാഷ്ട്രീയവും സിനിമയ്ക്ക് വിഷയമാകുന്നുണ്ട്.1980 കളാണ് സിനിമയുടെ പശ്ചാത്തലമെന്ന് അറിയുന്നു. മാര്‍ച്ച് 22 ന് ചിത്രം തിയറ്ററുകളില്‍ എത്തും.

വെങ്കിടേഷ് വി പി, ഷാലു റഹിം, കരുണാസ്, ആദിത്യ ഭാസ്‌കര്‍, കല്ലൂരി വിനോദ്, സുബ്രഹ്‌മണ്യ ശിവ, രാജേഷ് ശര്‍മ്മ എന്നിവരാണ് പ്രധാന കഥാപാത്രങ്ങളെ അവതരിപ്പിക്കുന്നത്. സിനിമയ്ക്ക് സംഗീതം ഒരുക്കുന്നതും നായകന്‍ കൂടിയായ ജി വി പ്രകാശ് കുമാര്‍ തന്നെയാണ്.

. ഛായാഗ്രഹണം അരുണ്‍കൃഷ്ണ രാധാകൃഷ്ണന്‍, എഡിറ്റിംഗ് ലിയോ ജോണ്‍ പോള്‍, എഡിറ്റിംഗ് വെട്രി കൃഷ്ണന്‍, ആക്ഷന്‍ ശക്തി ശരവണന്‍, കലാസംവിധാനം പപ്പനാട് സി, ഉദയകുമാര്‍.