അടുത്തിടെ വിവിധ ഒ.ടി.ടി പ്ലാറ്റ്‌ഫോമുകളിലൂടെ പ്രദര്‍ശനത്തിനെത്തിയ മലയാള ചിത്രങ്ങളില്‍ ഏറെ ശ്രദ്ധ നേടിയ സിനിമയായിരുന്നു 'ഗ്രേറ്റ് ഇന്ത്യന്‍ കിച്ചണ്‍'. തനിക്ക് വളരെ അധികം ഇഷ്ടപ്പെട്ട സിനിമയാണ് ദി ഗ്രേറ്റ് ഇന്ത്യന്‍ കിച്ചണെന്ന് സുപ്രിയ മേനോന്‍.കുരുതിയല്ലാതെ ഒടിടിയില്‍ കണ്ട സിനിമ കൂടിയാണിത്.സിനിമ കണ്ട ശേഷം പൃഥ്വിരാജ് ജിയോ ബേബിക്ക് മെസേജ് അയച്ചിരുന്നു എന്നും സുപ്രിയ വെളിപ്പെടുത്തി.
നിമിഷ വളരെ നന്നായി ചെയ്ത കഥാപാത്രമായിരുന്നു അത്. താന്‍ നിമിഷയ്ക്ക് മെസേജ് അയച്ചെന്നും സുപ്രിയ മേനോന്‍ പറയുന്നു. ഇംപാക്റ്റ് ഉണ്ടാക്കിയ ചിത്രമായിരുന്നു ഗ്രേറ്റ് ഇന്ത്യന്‍ കിച്ചണെന്ന് താരം കൂട്ടിച്ചേര്‍ത്തു.
തൊണ്ടിമുതലും ദൃക്‌സാക്ഷിയും എന്ന ചിത്രത്തിനു ശേഷം സുരാജ് വെഞ്ഞാറമൂടും നിമിഷ സജയനും ഭാര്യ ഭര്‍ത്താക്കന്മാരായി എത്തുന്ന സിനിമയെന്ന പ്രത്യേകതകൂടിയുണ്ട് ഇതിന്.ജനുവരി 15 നാണ് സിനിമ റിലീസ് ചെയ്തത്. ചിത്രത്തില്‍ സുരാജ് വെഞ്ഞാറമൂടും നിമിഷ സജയനും മികച്ച പ്രകടനമാണ് കാഴ്ചവെച്ചത്.
