ലോകമെങ്ങും മെര്‍സല്‍ തരംഗം. വിജയ് മൂന്ന് കഥാപാത്രങ്ങളെ അവതരിപ്പിക്കുന്ന ചിത്രത്തിന് ആദ്യ ദിനം വമ്പന്‍ കളക്ഷന്‍. വിജയുടെ കരിയറിലെ ഏറ്റവും വലിയ ഹിറ്റായി മെര്‍സല്‍ മാറുമെന്നാണ് റിപ്പോര്‍ട്ടുകള്‍.
അറ്റ്‌ലി സംവിധാനം ചെയ്ത ചിത്രം ആദ്യദിനത്തില്‍ നേടിയത് 32 കോടി രൂപയാണ്. ലോകമെങ്ങുമായി 3500 സ്ക്രീനുകളിലാണ് ചിത്രം പ്രദര്‍ശിപ്പിക്കുന്നത്.
ഇന്ത്യന്‍, രമണ തുടങ്ങിയ മുന്‍‌കാല ബമ്പര്‍ ഹിറ്റുകളെ അനുസ്മരിപ്പിക്കുന്ന കഥാഘടനയുള്ള മെര്‍സല്‍ പക്ഷേ മേക്കിംഗില്‍ അവയെയെല്ലാം അതിശയിക്കുകയാണ്. 130 കോടി രൂപ മുതല്‍ മുടക്കിയ ചിത്രം ആദ്യവാരം തന്നെ മുടക്കുമുതല്‍ മറികടക്കും.
തമിഴ്നാട്ടില്‍ നിന്ന് മാത്രം മെര്‍സല്‍ ആദ്യദിനം സ്വന്തമാക്കിയത് 19 കോടി രൂപയാണ്. ബാഹുബലിയുടെ കഥാകാരനായ കെ വി വിജയേന്ദ്രപ്രസാദാണ് മെര്‍സലിന്‍റെയും തിരക്കഥ ഒരുക്കിയത്.
എസ് ജെ സൂര്യ വില്ലനാകുന്ന മെര്‍സലില്‍ നിത്യാ മേനോന്‍, കാജല്‍ അഗര്‍വാള്‍, സമാന്ത എന്നിവരാണ് നായികമാര്‍.
