ദിവസവും ഇഡലിയും ദോശയും കഴിച്ചു മടുത്തോ. ഇതാ ദാല്‍ പൂരി...
ചേര്‍ക്കേണ്ടവ:
ആട്ടമാവ്‌ ഒരു കിലോ
എണ്ണ 100 ഗ്രാം
ഉപ്പ്‌ പാകത്തിന്‌
നിറയ്ക്കാനുള്ള ഇനങ്ങള്‍:
പരിപ്പ് അര കിലോ
ജീരകം 1/2 ടീസ്പൂണ്‍
ഗ്രാമ്പു 2 എണ്ണം
ഏലം 4 എണ്ണം
കറുവാപ്പട്ട 1 കഷണം
വറ്റല്‍ മുളക്‌ 2 എണ്ണം
ഉപ്പ്‌ പാകത്തിന്‌
നെയ്യ്‌ 6 സ്പൂണ്‍
എണ്ണ ആവശ്യത്തിന്
ഉണ്ടാക്കുന്ന വിധം:
പരിപ്പ് നന്നായി വേവിച്ച് ജീരകം, ഗ്രാമ്പു, ഏലം, കറുവാപ്പട്ട എന്നിവ വറുത്തു പൊടിച്ച മിശ്രിതവും മ്വറ്റല്‍ മുളകും ചേര്‍ത്തിളക്കി വയ്ക്കുക. ആട്ട മാവ്‌ നെയ്യും ഉപ്പും വെള്ളവും ചേര്‍ത്ത്‌ കുഴയ്ക്കുക. അര മണിക്കൂര്‍ അനക്കാതെ വയ്ക്കുക. അതിനുശേഷം ഒരേ വലിപ്പമുള്ള ഉരുളകളാക്കി ഉരുട്ടി ഓരോ ഉരുളയുടെയും നടുവില്‍ പരിപ്പ് മിശ്രിതം വച്ച്‌ വായടച്ച്‌ കൈ കൊണ്ട്‌ അമര്‍ത്തി ചപ്പാത്തിക്ക്‌ പരത്തും പോലെ പരത്തി വയ്ക്കുക. ചീനച്ചട്ടിയില്‍ എണ്ണ ഒഴിച്ച്‌ ചൂടാകുമ്പോള്‍ നേരിയ തീയില്‍ പൊരിച്ചെടുക്കുക.
