Publish Date: Thu, 28 Jan 2021 (14:51 IST)
Updated Date: Thu, 28 Jan 2021 (14:53 IST)
ശബരിമല മാതൃകയില് ഓണ്ലൈന് രജിസ്ട്രേഷനിലൂടെയായിരിക്കും ആറ്റുകാല് ക്ഷേത്രത്തില് പൊങ്കാലക്കുള്ള പ്രവേശനം. പരമാവധി എത്ര പേരെ പ്രവേശിപ്പിക്കാം എന്നത് സംബന്ധിച്ച് പിന്നീട് തീരുമാനം എടുക്കും. പൊതുനിരത്തുകളിലോ മറ്റ് പൊതുസ്ഥലങ്ങളിലോ പൊങ്കാലയിടാന് അനുവദിക്കില്ല. എന്നാല് ആള്ക്കാര്ക്ക് അവരവരുടെ സ്വന്തം വീടുകളില് പൊങ്കാലയിടാവുന്നതാണ്.
ഗ്രീന് പ്രോട്ടോക്കോളും കോവിഡ് നിയന്ത്രണങ്ങളും പാലിച്ചു കൊണ്ട് അന്നദാനം ഉണ്ടാകും. കുത്തിയോട്ടം, വിളക്കുകെട്ട്, താലപ്പൊലി തുടങ്ങിയ ചടങ്ങുകള് ഒഴിവാക്കുവാനും തീരുമാനമായിട്ടുണ്ട്. പൊങ്കാല മഹോത്സവത്തിന് മുന്നോടിയായി വിവിധ വകുപ്പുകള് നടത്തേണ്ട മുന്നൊരുക്കങ്ങള് എത്രയും വേഗം പൂര്ത്തീകരിക്കണമെന്ന് ഉദ്യോഗസ്ഥര്ക്ക് മന്ത്രി കടകംപള്ളി സുരേന്ദ്രന് നിര്ദ്ദേശം നല്കി.
