രാജ്യത്തെ കൊവിഡ് കണക്കില്‍ കേരളം 14-ാം സ്ഥാനത്ത്

രാജ്യത്ത് കൊവിഡ് ബാധിതര്‍ 45ലക്ഷത്തിലേക്ക്. രോഗം മൂലം ഇതുവരെ 75091പേരാണ് മരണപ്പെട്ടത്. എന്നാല്‍ 34ലക്ഷത്തിലധികം പേര്‍ രോഗമുക്തരായിട്ടുണ്ട്. ഏഴ് സംസ്ഥാനങ്ങളിലും ഒരു ലക്ഷത്തിനു മുകളിലാണ് കോവിഡ് ബാധിതരുടെ എണ്ണം. മഹാരാഷ്ട്ര, ആന്ധ്രപ്രദേശ്, തമിഴ്‌നാട്, കര്‍ണാടക, ഉത്തര്‍പ്രദേശ്, ഡല്‍ഹി, പശ്ചിമബംഗാള്‍, ബിഹാര്‍, തെലുങ്കാന, ഒഡീഷ എന്നവയാണ് കോവിഡ് ബാധിതരുടെ എണ്ണത്തില്‍ മുന്നില്‍ നില്‍ക്കുന്ന 10 സംസ്ഥാനങ്ങള്‍.

കൊവിഡ് കണക്കുകളുടെ കാര്യത്തില്‍ കേരളം 14-ാം സ്ഥാനത്താണ്. കഴിഞ്ഞ 24 മണിക്കൂറിനിടെ 1,172 പേരാണ് രാജ്യത്ത് മരിച്ചത്. 34,71,784 പേര്‍ രാജ്യത്ത് കൊവിഡില്‍നിന്നും രോഗമുക്തി നേടി എന്നത് അശ്വാസകരമാണ്. 9,19,018 പേര്‍ നിലവില്‍ ചികിത്സയിലുണ്ട്. 11,29,756 സാംപിളുകളാണ് കഴിഞ്ഞ 24 മണിക്കൂറിനിടെ പരിശോധനയ്ക്ക് വിധേയമാക്കിയത്. 5,29,34,433 സാംപിളുകളാണ് രാജ്യത്താകെ ടെസ്റ്റ് ചെയ്തത്.